Air Astana اسكەري قىزمەتشىلەردىڭ جاقىن تۋىستارىن تەگىن تاسىمالدايدى

- Air Astana كومپانيالار توبى قازا تاپقان جانە امان قالعان اسكەري قىزمەتشىلەردىڭ جاقىن تۋىستارىنا، سونداي-اق كاسپي تەڭىزىندەگى وقۋ-جاتتىعۋ كەزىندە امان قالعان اسكەري قىزمەتشىلەردىڭ وزدەرىنە اۆيابيلەتتەر ۇسىنادى،-دەلىنگەن اۋە كومپانياسىنىڭ حابارلاماسىندا.

بيلەتتەر 25-قىركۇيەكتەن 3-قازانعا دەيىنگى كەزەڭدە ورىندالاتىن كومپانيالار توبىنىڭ كەز كەلگەن ىشكى رەيستەرىنە ۇسىنىلاتىنى حابارلاندى.

- جاقىن تۋىستارىنا اتا-انالار، ەرلى-زايىپتىلار، بالالار، سونداي-اق تۋعان اعا-ىنىلەرى مەن اپا-سىڭلىلەرى جاتادى. برونداۋ كەزىندە تۋىستىعىن راستايتىن قۇجاتتاردى ۇسىنۋ قاجەت، - دەپ حابارلادى Air Astana.

بيلەتتەردى راسىمدەۋ ءۇشىن كومپانيالار توبىنىڭ ساتۋ كەڭسەلەرىنە، سونداي-اق باسقا دا بايلانىستار بويىنشا تومەندەگى نومىرلەرگە حابارلاسۋعا بولادى.

Air Astana برونداۋ جانە اقپارات ورتالىعى (24/7):

فورمانى تولتىرۋ قاجەت WhatsApp: +77027020074

Online chat: airastana.com FlyArystan

help@flyarystan.com 87273311010 WhatsApp +77027020227

Live Chat FlyArystan موبيلدى قوسىمشاسىندا/ flyarystan.com سايتىندا

ايتا كەتەيىك، ماڭعىستاۋ وبلىسىندا قازا تاپقان اسكەري قىزمەتشىلەردىڭ وتباسىلارىنا كومەك جيناۋدىڭ ءبىرىڭعاي رەسمي تەتىگى بەلگىلەندى.

كاسپيدە قازا بولعان اسكەري قىزمەتشىلەردىڭ قازاسىنا قاتىستى قىلمىستىق ءىس ەكى باپ بويىنشا تەرگەلىپ جاتىر.