احمەت بايتۇرسىن ۇلى: ءسوزدىڭ ەڭ ۇلىسى - تاريح!
افوريزم - شاعىن فيلوسوفيالىق وي، تاجىريبەلىك ءتۇيىن، لوگيكالىق قيسىن. افوريزمنىڭ باستى شارتتارى - ومىرلىك قۇبىلىستارعا جانە ادام مىنەزدەرىنە دەگەن كوزقاراستاعى انىقتىق، ويدى جەتكىزۋدەگى دالدىك پەن قىسقالىق.
افوريزم - وي تامىزىعى. «افوريزمدەر» ايدارىندا بۇگىن احمەت بايتۇرسىن ۇلى، ءمىرجاقىپ دۋلاتوۆ ويلارىن ۇسىندىق.
احمەت بايتۇرسىن ۇلى
1) جەر ماسەلەسى - قازاقتىڭ ءتىرى يا ءولى بولۋىنىڭ ماسەلەسى.
2) ادامعا ەڭ قىمبات نارسە - جۇرت قامى، جۇرت ءىسى.
3) اقىن سوزىنە جۇرت رۋحىنىڭ ساۋلەسى تۇسپەي تۇرمايدى.
4) ءسوزدىڭ ەڭ ۇلىسى - تاريح!
5) ەلدە جوق رۋح اقىن سوزىنە قايدان كەلسىن؟ !
6) جەردى جالداۋدان تارتىنباعاندار، ساتۋدان دا تارتىنبايدى.
7) قازاق - جوقشى، جوعىن ىزدەگەن قۋعىنشى!
8) ۇلت جۇمىسى - ۇلكەن جۇمىس: ۇلكەن جۇمىسقا كوپ جۇمىسكەر كەرەك.
9) نەشە ءتۇرلى عىلىم، ونەر - ءبارى دە تىرشىلىكتىڭ اۋىرلىعىن ازايتۋ ءۇشىن، راقاتىن مولايتۋ ءۇشىن شىعارعان نارسەلەر.
10) حالىقتىڭ ءىسى - بۇراپ قالسا باسقا جونگە كەلەتىن ماشينانىڭ تەتىگى ەمەس.
11) جۇرتقا كەرەگىن بىلەتىندەر كوپ، ىستەيتىندەر از.
12) جۇرت جۇمىسى قۇمىرسقانىڭ يلەۋىندەگى جۇمىسقا ۇقسايدى: قۇمىرسقاشا جابىلا تىڭباي ىستەسە ونەدى.
13) كوسەمدەر كوبەيسە، ەرۋشىلەر دە كوبەيەر ەدى.
14) الاشقا اتى شىققان ادامدار! كوسەمدىكتەرىڭدى اداسپاي ءتۇزۋ ىستەڭدەر! سەندەر اداسساڭدار، ارتتارىڭنان الاش اداسادى: ارتتارىنا ەرگەندەردىڭ وبال- ساۋابىنا سىزدەر قالاسىزدار.
15) ءبىزدىڭ زامانىمىز - وتكەن زاماننىڭ بالاسى، كەلەر زاماننىڭ اتاسى!
ءمىرجاقىپ دۋلاتوۆ
1) زيالى قاۋىم حالىقتىڭ قامىن ويلاۋعا مىندەتتى.
2) ناداندىق - قاراڭعى ءتۇن.
3) اقيقات جەڭەر جالعاندى.
4) كۇنىڭدە قىزعىلىقتى قيمىلداپ قال،
ءتىل مەن جاق، بايلانارسىڭ ءبىر كۇن ءالى-اق.
5) پايداسىز مىلجىڭ ءسوزدى اركىم ايتار.
6) قان تۇسسە اياعىڭا، وزار ماستەك.
7) حالىق تاعدىرى - كارتا ويىنى ەمەس.
8) سوت تۇزەلمەي، حالىق تۇزەلمەيدى.
9) زاڭ ادەت- عۇرىپقا قايشى كەلسە، ۇلكەن اياققا تار ەتىك كيگەنمەن بىردەي.
10) ءار زامانعا - ءبىر زاۋال.
(ەربول شايمەردەن ۇلى قۇراستىرعان «قازاق افوريزمدەرى» كىتابىنان ىرىكتەلىپ الىندى)
شىڭعىس مۇقايەۆ
egemen.kz
