افريكالىق بويجەتكەن ورالدا ينتيم-قىزمەت كورسەتىپ كەلگەن
باتىس قازاقستان وبلىسىندا افريكالىق بويجەتكەن جىنىستىق قىزمەت كورسەتىپ كەلگەن. قازاقپارات بۇل تۋرالى Polisia.kz-كە سىلتەمە جاساپ حابارلايدى.
ب ق و پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى «STOP- ترافيك» جەدەل-پروفيلاكتيكالىق ءىس-شاراسىن وتكىزگەن. ونىڭ بارىسىندا 14- قىركۇيەك كۇنى ءوزىنىڭ جالداما پاتەرىندە جىنىستىق قىزمەت كورسەتۋ ءۇشىن پريتون ۇيىمداستىرعان ورال قالاسىنىڭ 33 جاستاعى تۇرعىنى انىقتالدى. ول كليەنتتەرگە باتىس افريكانىڭ سەررا-لەونە رەسپۋبليكاسىنىڭ تۋماسى - 24 جاستاعى بويجەتكەندى ەروتيكالىق بودي-ماسساج تۇرىندەگى جىنىستىق قىزمەت كورسەتۋ ءۇشىن ۇسىنىپ كەلگەن. سول ءۇشىن اقشا الىپ وتىرعان.
ق ر قىلمىستىق كودەكسىنىڭ 309-بابى 1-بولىگى بويىنشا سوتقا دەيىنگى تەرگەپ-تەكسەرۋ جۇمىستارى باستالدى، - دەلىنگەن پوليتسيا مالىمەتىندە.