اڭشىلىق ءۇشىن تارتىمدى ايماق

الەمدە اڭشىلىق تۋريزم قارقىندى دامىپ كەلەدى. ءبىراق اڭشىلار قاۋىمى ولجاعا كەنەلەتىن لاندشافتتى باعىت جىل سايىن وزگەرىپ وتىرادى. بيىل بۇل ءتىزىمنىڭ باسىندا ارگەنتينا، وڭتۇستىك افريكا مەن جاڭا زەلانديا ەلدەرى تۇر.

 مىسالى قابان مەن بۇعىعا باي ولكە وڭتۇستىك امەريكاعا جىل سايىن وزگە ايماقتان 20 مىڭنان استام اڭشى ارنايى ات باسىن بۇرادى. كورشىمىز قىرعىزستانعا دا اڭشىلىق تۋريزم ءۇشىن شەكارا اسىپ كەلەتىندەر كوپ. سونىمەن دورباسىن ارقالاپ دۇنيەنى كەزەتىن اڭشىلىق ساياحاتقا الەم ەلدەرى قانشالىقتى دەن قويعان؟

 تابيعاتتىڭ جىل سايىن قۇبىلىپ تۇراتىنى سەكىلدى اڭ- قۇس اۋلاۋدىڭ قولايلى ايماعى دا وزگەرىپ وتىرادى. بيىل الياسكانىڭ تاڭعاجايىپ تابيعاتى اڭشىلاردىڭ قانجىعاسىن مايلاۋعا قولايلى بولىپ تۇر. بيىل مۇندا بۇلان، قارا، قوڭىر ايۋ، جابايى قوشقار، قاراقۇيرىق سياقتى جانۋاردىڭ ءتۇرى قاپتاپ ءجۇر. اڭشى تۋريستەر ايماققا ءوتۋ ءۇشىن بار بولعانى قۇنى 85 دوللار، بىزدىڭشە 44 مىڭ تەڭگە تۇراتىن اڭشىلىق ليتسەنزياسىن الۋعا ءتيىس.

 افريكاداعى تانزانيادا قازىر اڭشىلىق ماۋسىم اشىق. ايماقتا ارىستان، جولبارىس، بۋففالو، ءپىل سياقتى اڭ- قۇس اتاۋلىنى اتۋ 1- شىلدەدەن 31 - جەلتوقسانعا دەيىن جالعاسادى. مۇندا ءتۋريزمنىڭ بۇل ءتۇرى سافاري ستيلىندە جۇرگىزىلەدى.

 ارگەنتينادا ياگۋارعا براكونەرلىك تىيىلماي تۇر

 ال ارگەنتينادا كەيىنگى جىلدارى كوگەرشىن كوبەيدى. قازىر بۇل ەلدە جاپپاي كوگەرشىن اتۋعا جول اشىق. ءبىراق اڭشىلار قاۋىمى تاراپىنان قۇس ەمەس، ايماقتا سيرەك كەزدەسەتىن ياگۋارعا براكونەرلىك تىيىلماي تۇر. جەرگىلىكتى تابيعاتتى قورعاۋ ۇيىمىنىڭ مالىمەتىنە قاراعاندا ەلدە قازىر 250 دەي عانا مىسىقتۇقىمداس جىرتقىش قالعان. ارگەنتيناعا جىل سايىن وزگە ەلدەن 20 مىڭعا جۋىق اڭشى اعىلىپ كەلەدى. پورتۋگاليادا اڭشىلىق ساياحات قىمبات ەمەس كارى قۇرلىقتا 7 ميلليون اڭشى بار. قازىر ولار ءۇشىن پورتۋگالياعا ساياحاتقا اتتانۋ ءتيىمدى بولىپ تۇر. ويتكەنى ۇيىمداسقان اڭشىلىق تۋريزم قۇنى 3 مىڭ ەۋرو، ياعني 1 ميلليون 600 مىڭ ت گ. ساياحات ءۇش كۇنگە سوزىلادى. وعان ءبىر مەزەتتە 30 اڭشىعا دەيىن تارتىلا الادى. مۇندا كوبىنەسە يسپانيا، فرانسيا، انگليا ازاماتتارى ءجيى كەلەدى. ولاردىڭ باستى ولجاسى - ايماقتا كوپ كەزدەسەتىن قاسقىر، تۇلكى، قويان مەن بۇعى. ال قازىر بۇعى مەن قابان اتۋ ماۋسىمى اشىق. كەلەر جىلدىڭ 28 - اقپانىنا دەيىن جالعاساتىن ساياحات تۋرىنىڭ قۇنى 2820 ا ق ش دوللارى شامالاس. بۇل ءبىزدىڭ تەڭگەمەن 1,5 ميلليون.

موڭعوليا اڭشىلىق تۋريزمگە بەيىم

اڭشىلىق قارقىن العان تاعى ءبىر ايماق - موڭعوليا. التاي تاۋىنان گوبي جازىعىنا دەيىنگى ارالىقتى الىپ جاتقان موڭعول جەرىندە كاسىپتىڭ بۇل ءتۇرى ەجەلدەن بار. ازيا وڭىرىنە ساياحاتتاعىسى كەلەتىندەر الدىمەن وسىندا باس سۇعادى. ويتكەنى بۇل جەردە ازيالىق جابايى اڭدار كوپ شوعىرلانعان. التاي، گوبي، حانگاي ارقارىنان باستاپ ءسىبىر تاۋتەكەسى مەن بۇعىسى، التاي مارالى، موڭعول گازەلى مەن جابايى شوشقانى ءجيى كەزىكتىرەسىز. ال اڭشىلىق ماۋسىم شىلدە مەن قازان ايى ارالىعىندا اشىق بولادى. 

وڭتۇستىك اۆستراليادا ساداقپەن اڭ اۋلاۋعا تىيىم سالىندى

 وڭتۇستىك اۆستراليا ۇكىمەتى بيىل 1 - جەلتوقساننان باستاپ اڭشىلىق ءۇشىن ساداق پايدالانۋعا تىيىم سالدى. بۇل زاڭ سازان بالىعىن اۋلاۋدى قوسپاعاندا اڭ- قۇستىڭ بارلىق تۇرىنە قاتىستى. ەرەجەنى ەلەمەگەندەر 1 مىڭ ا ق ش دوللار كولەمىندە ايىپپۇل ارقالايدى. لاپلانديادا اۋەسقويلارعا اڭ اۋلاۋعا تىيىم بار سيقىرلى ولكە لاپلاندياعا جۇرت اياز اتانى كورۋ ءۇشىن عانا ەمەس، اڭ- قۇس اۋلاۋعا دا ءجيى اتتانادى. بۇلان مەن بۇعى اتۋ ءداستۇرى ايماقتا جاقسى دامىعان. مۇنان بولەك اڭشىلار مۇزدى ايۋ، ەلىك جانە قويان اۋلاۋ ءۇشىن ارنايى بارادى. ءبىراق اۋەسقويلارعا قاتاڭ تىيىم سالىنعان. تەك كاسىبي اڭشىلار جورىققا شىعادى. ال قازىر قويان اۋلاۋعا شەكتەۋ جوق. ال ءبىزدىڭ ولكەدە اڭشىلىق ءتۋريزمى بىرتىندەپ قانات جايىپ كەلەدى. كەيىنگى مالىمەتكە سۇيەنسەك قازاقتىڭ دارحان دالاسىندا اڭشىلىق نىسانىنا جاتاتىن قۇستىڭ 60 قا جۋىق ءتۇرى مەن سۇتقورەكتىلەردىڭ 30 دان استام ءتۇرى كەزدەسەدى. ال اۋلاۋشىلار نەگىزىنەن رەسەي، ا ق ش، گەرمانيا، ۇلى بريتانيا مەن فرانسيا ازاماتتارى.

 https://24.kz