اشۋلانشاقتىق پەن مازاسىزدىق جۇرەكتى قارتايتادى - زەرتتەۋ
استانا. قازاقپارات - جاڭا زەرتتەۋ كورسەتكەندەي، اشۋلانشاق ادامدار مەن ۇنەمى ۋايىمدايتىن ادامداردا جۇرەك پروبلەمالارى ءجيى كەزدەسەدى.
اشۋلانشاقتىق پەن مازاسىزدىق جۇرەكتى قارتايتادى. دەپرەسسيا، مازاسىزدىق جانە كوڭىل- كۇيدىڭ قۇبىلمالىلىعى جۇرەككە تىكەلەي زيان تيگىزەتىنى بەلگىلى بولدى. سونىمەن قاتار، مۇنداي ءۇردىس ەر ادامداردا ءجيى بايقالاتىنى انىقتالعان.
پسيحيكالىق دەنساۋلىق پەن جۇرەك قىزمەتى اراسىنداعى بايلانىستى زەرتتەۋ ءۇشىن لوندونداعى پاتشايىم مەري ۋنيۆەرسيتەتى باسقاراتىن زەرتتەۋ توبى 36309 ادامنىڭ جۇرەگىن تەكسەرگەن. تۇراقسىز كوڭىل-كۇي، شامادان تىس الاڭداۋشىلىق، اشۋلانشاقتىق، ۇيالشاقتىق جانە قايعى سياقتى «نەۆروتيزم» ساناتىنا جاتقىزىلاتىن ادامنىڭ كۇيى تۇلعالىق ساۋالناما ارقىلى باعالانعان.
جاڭا زەرتتەۋ كورسەتكەندەي، اشۋلانشاق ادامدار مەن ۇنەمى ۋايىمدايتىن ادامداردا جۇرەك پروبلەمالارى ءجيى كەزدەسەدى. زەرتتەۋگە سايكەس، مازاسىزدىق پەن كۇيگەلەكتىك سياقتى ادەتتەر جۇرەكتىڭ قارتايۋىنىڭ العاشقى بەلگىلەرىمەن بايلانىستى بولعان.
