اشحاباتتا قۇرمانعازى مەن ابايدىڭ ەسكەرتكىشتەرى ورناتىلماق
استانا. KAZINFORM - تۇرىكمەنستان تاراپى اشحابات قالاسىندا كۇيشى قۇرمانعازىنىڭ جانە حاكىم ابايدىڭ ەسكەرتكىشتەرىن ورناتۋعا باستاما جاسادى.
بۇل تۋرالى بۇگىن تۇرىكمەنستان سىرتقى ىستەر ءمينيسترى راشيد مەرەدوۆپەن كەلىسسوزدەردەن كەيىن بىرلەسكەن مالىمدەمە جاساعان پرەمەر- ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ ايتتى.
«مادەني- گۋمانيتارلىق ىنتىماقتاستىق ءداستۇرلى تۇردە ەڭ باسىم باعىتتاردىڭ قاتارىن تولتىرىپ وتىر. وسى مۇمكىندىكتى پايدالانىپ، تۇرىكمەن دەلەگاتسياسىن الەمگە ايگىلى اقىن ماحتۋمكۋلي فراگيدىڭ 300 جىلدىعىمەن قۇتتىقتايمىن. بۇل تاريحي تۇلعانىڭ ادەبي مۇراسى تۇركى مادەنيەتىنىڭ ورتاق رۋحاني قازىناسىن جانە داستۇرلەرىن ساقتاعان تۇرىكمەن حالقىنىڭ دانالىعى مەن بىرەگەي دۇنيەتانىمىن پاش ەتەدى. ەلوردامىزدا ۇلى اقىنعا ارنالعان ەسكەرتكىشتىڭ سالتاناتتى اشىلۋ ءراسىمىن اسىعا كۇتەمىز. ەكى مەملەكەت ليدەرلەرىنىڭ باستامالارى اياسىندا جاقىن بولاشاقتا استانادا تۇرىكمەنستاننىڭ مادەنيەت كۇندەرىن جانە تۇرىكمەنستاندا قازاقستاننىڭ مادەنيەت كۇندەرىن وتكىزۋ جوسپارلانعان»، - دەدى مۇرات نۇرتىلەۋ.
ونىڭ اتاپ وتۋىنشە، قازاقستان تاراپى بيىل كۇزدە تۇرىكمەنستان مادەنيەت كۇندەرىن وتكىزۋگە دايىن.
«اشحابات قالاسىندا كۇيشىمىز قۇرمانعازىنىڭ جانە حاكىم ابايدىڭ ەسكەرتكىشتەرىن ورناتۋ تۋرالى تۇرىكمەن تاراپىنىڭ باستاماسى ءۇشىن ۇلكەن ريزاشىلىعىمدى بىلدىرەمىن. تاعى ءبىر ايتا كەتەتىن جايت، تۇرىكمەن اناۋ قالاسى بيىلعى جىلى تۇركى الەمىنىڭ مادەني استاناسى بولعانىن زور ىقىلاسپەن قابىلدادىق. ءبىلىم جانە عىلىم سالاسىنداعى بايلانىستاردى كەڭەيتۋ ماقساتىندا جوعارى وقۋ ورىندارى اراسىنداعى ءوزارا ءىس- قيمىلعا قولعابىس كورسەتۋگە ۋاعدالاستىق. قازاقستاننىڭ 28 جوعارى وقۋ ورىندارىندا ءبىلىم الىپ جاتقان 2600 دان استام تۇرىكمەن ستۋدەنتى ەكى ەلدىڭ جاقىنداسۋىنا ىقپالىن تيگىزەتىنى حاق»، - دەدى ۆيتسە- پرەمەر.
