اشحابادتا قۇرمانعازى ەسكەرتكىشى اشىلدى
استانا. KAZINFORM - تۇرىكمەنستان استاناسىندا شىعارماشىلىعى ورتا ازيا حالىقتارىنىڭ تاريحىمەن جانە مادەنيەتىمەن بىتە قايناسىپ كەتكەن قازاقتىڭ ۇلى كۇيشىسى، كومپوزيتور قۇرمانعازى ساعىرباي ۇلىنىڭ ەسكەرتكىشى اشىلدى.
ەسكەرتكىش تۇرىكمەنستاننىڭ حالىق اقىنى جانە فيلوسوفى ماقتۇمق ۇلى فراگيگە ارنالعان اشحاباد ساياباق كەشەنىنىڭ اۋماعىندا ورناتىلدى. ساياباق اشحابادتىڭ وڭتۇستىك شەتىندە، تۇرىكمەنستاندى يراننان ءبولىپ تۇرعان كوپەتداگ تاۋ جوتاسىنىڭ ەتەگىندە ورنالاسقان.
ەسكەرتكىشتىڭ اشىلۋ سالتاناتىنا تۇرىكمەنستاندا تىركەلگەن ديپلوماتيالىق ميسسيالار مەن حالىقارالىق ۇيىمداردىڭ باسشىلارى مەن قىزمەتكەرلەرى قاتىستى.
سالتاناتتى شارا بارىسىندا ماقتىمق ۇلى اتىنداعى ۇلتتىق مۋزىكالىق- دراما تەاترىنىڭ ديرەكتورى مەكان جۇمابايەۆ قۇرمانعازىنىڭ تانىمال شىعارمالارىنىڭ ءبىرى - م. قۇليەۆا اتىنداعى ۇلتتىق كونسەرۆاتوريا وقىتۋشىسىنىڭ ورىنداۋىنداعى «اداي» كۇيىنىڭ سۇيەمەلدەۋىمەن م. تۇرىكمەنستان سۋرەتشىسى وسمان گۋدجيموۆ شاباز يماناليەۆتىڭ «قۇرمانعازى» ولەڭدەرىن وقىدى.
اۆتور
زارينا تۋعانبايەۆا
