اش قارىنعا بال جەۋدىڭ زيانى بار ما؟ ديەتولوگ جاۋاپ بەردى
بال جەۋ اعزاعا پايدالى. الايدا ونى ءجيى قولدانۋدىڭ دا زيانى بار ەكەن. ديەتولوگ ەلەنا سولوماتينا ايتىپ بەردى.
ماماننىڭ ايتۋىنشا، اش قارىنعا بال قوسىلعان سۋدىڭ پايداسى زور.
"بۇل اعزاداعى كلەتكا مەن ۇلپانى ميكروەلەمەنتپەن قامتاماسىز ەتەدى، سۋىققا قارسى كۇرەسۋگە كۇش بەرەدى، اعزانى قۋاتتاندىرادى، ارتىق مايدان ارىلتادى، جۇيكە جۇيەسىنىڭ جۇمىسىن جاقسارتادى، اعزانى شلاكتان تازالايدى. سونىمەن قاتار تەرىنىڭ، شاشتىڭ جانە تىرناقتىڭ ساۋلىعىنا جاۋاپ بەرەدى"، - دەدى ول.
ديەتولوگ بال قوسىلعان سۋدىڭ زياندى تۇسىن دا اتاپ ءوتتى.
"بال قوسىلعان سۋ بارلىق ۋاقىتتا دا پايدالى ەمەس. ەمدىك قاسيەتىمەن باعالى سانالعان بالدى تىم ىستىق، ياعني 40-50 گرادۋستاعى قايناعان سۋعا ارالاستىرۋعا بولمايدى. بۇل كەزدە ادام اعزاسىنا وتە ۋلى كانسەروگەن زاتى بولىنەدى دە، اعزانى اۋرۋدان ايىقتىرۋدىڭ ورنىنا، ۋلاي باستايدى. سالدارىنان سان ءتۇرلى اۋرۋدىڭ قوزۋىنا سەبەپشى بولادى. سول ءۇشىن بال قوسىلعان سۋعا ليمون، ءسۇت ارالاستىرۋ كەرەك. سوندا اعزانى ءبىر ۋاقىتتا بىردەن ەمدەۋگە بولادى. وسىنداي قۇراممەن تاڭەرتەڭ اش قارىنعا بال قوسىلعان سۋ ءىشۋدى ادەتكە اينالدىرىڭىز"، - دەدى ول.
