ادىلەت ءمينيسترى زورلىق- زومبىلىققا قارسى پەتيتسيا قانداي تارتىپتە قارالۋى مۇمكىن ەكەنىن ايتتى

  ادىلەت ءمينيسترى ازامات ەسقارايەۆ پەتيتسيا جاريالاناتىن جاڭا پلاتفورماعا قاتىستى تۇسىنىك بەردى، دەپ حابارلايدى Kazinform.

«جاڭا زاڭ كۇشىنە ەندى. ەندى سول بويىنشا جۇمىس ىستەيتىن جاڭا پلاتفورما جاقىن ارادا دايىن بولادى دەپ سەنەمىن. وسى ورايدا جاڭا زاڭعا سايكەس بۇل پلاتفورمادا قايتادان پەتيتسياعا (وتباسىنداعى زورلىق- زومبىلىقتان قورعاۋ تۋرالى) قول قويىپ، جىبەرۋگە بولادى. بۇعان دەيىنگى 2021 -جىلعى ەسكى پلاتفورمادا ءبىراز داۋىس جينالعانىن جاقسى بىلەمىن. ءبىراق ول جاڭا ونلاين- پلاتفورما نەگىزىندە جانە قابىلدانعان زاڭعا سايكەس جاسالماعانىن ەسكەرۋ كەرەك. ءبىز قۇقىقتىق مەملەكەتتە ءومىر ءسۇرىپ جاتىرمىز، سوندىقان زاڭدى باسشىلىققا الۋىمىز كەرەك دەپ ەسەپتەيمىن»، - دەدى ا. ەسقارايەۆ ماجىلىستە تىلشىلەر سۇراعىنا جاۋاپ بەرە وتىرىپ.

ونىڭ سوزىنە قاراعاندا، تۇرمىستاعى زورلىق- زومبىلىققا قارسى پەتيتسيا جاڭا پلاتفورمادا قايتادان داۋىس جيناسا، ونداعى ماسەلە قارالادى.

بۇدان بۇرىن حابارلانعانداي، وتباسىنداعى جانە تۇرمىستاعى زورلىق- زومبىلىقتان قورعاۋ تۋرالى پەتيتسياعا 150 مىڭعا جۋىق قازاقستاندىق قول قويدى.