ادىلەت ءمينيسترى: نەكەسىن تەك مەشىتتە قيعىسى كەلەتىن ەرلەر نەدەن قورقادى

 ادىلەت ءمينيسترى ازامات ەسقارايەۆ نەكەنى مەشىتتە عانا قيۋدىڭ سالدارى تۋرالى پىكىر ءبىلدىردى، دەپ حابارلايدى Kazinform. 

неке қию
Фото: Фото: pixabay.com

«مەشىتتەردى ا ح ا ج (ازاماتتىق حال اكتىلەرىنىڭ جازباسى) ورگاندارىنىڭ تىركەۋىنسىز نەكە قيماۋعا زاڭ جۇزىندە مىندەتتەمەيسىزدەر مە؟»، - دەپ سۇرادى ب ا ق وكىلى.

ءمينيستردىڭ ايتۋىنشا، ونداي تالاپ قازىردىڭ وزىندە بار.

«مەنىڭ بىلۋىمشە، نەگىزىنەن ونداي تالاپ بار. ياعني، مەشىتتە نەكە قيۋ ءۇشىن بارعان جۇپتاردان الدىن الا ا ح ا ج كۋالىگىن سۇرايدى. سوندىقتان، مەشىتتەر وسى قۇجاتتى تالاپ ەتۋ كەرەك جانە زاڭدى تۇردە نەكە قيىلعاننان كەيىن عانا مەشىتتە نەكە قيۋعا بولادى»، - دەدى ۆەدومستۆو باسشىسى.

ازامات ەسقارايەۆ كەزىندە ءوزى ۇيلەنگەن كەزدە دە وسىلاي ارەكەت ەتكەنىن ايتتى.

«مىسالى، ءوزىمىز دە كەزىندە ۇيلەنگەن كەزدە سولاي ىستەيتىن ەدىك. الدىمەن، ا ح ا ج ورىندارىندا نەكە قيىپ، سوسىن مەشىتكە كىرەتىنبىز»، - دەدى مينيستر.

سونداي-اق ول كەلەشەك قالىڭدىقتارعا نەكەنى ا ح ا ج-عا بارماي-اق، مەشىتتە عانا قيۋدى تالاپ ەتەتىن ەر-ازاماتى تۋرالى كوبىرەك ويلانۋعا كەڭەس بەردى.

«نەكەگە تۇرعان قىزداردىڭ قۇقىعى مەملەكەت بەكىتكەن تارتىپپەن قورعالۋى كەرەك. وسى تۇرعىدان العاندا، ەگەر ادام زاڭدا بەكىتىلگەن تارتىپپەن نەكە قيماسا، بەلگىلى ءبىراق سۇراق تۋىندايدى، ءسىز ايتىپ وتىرعان تاۋەكەلدەر دە بولۋى مۇمكىن. قىزدار ءوزىن قورعالعانبىز دەپ سەزىنگىسى كەلسە، قارىم-قاتىناسىن بەكىتىلگەن تارتىپپەن تىركەگەنى دۇرىس. ەگەر ا ح ا ج-عا بارۋدان باس تارتسا، قىزدار بۇل ماسەلەنى بىردەن ءتۇسىنۋ كەرەك. «ادام نەگە سىزبەن تىركەلگىسى كەلمەيدى؟» دەگەن سۇراق تۋىندايدى. كىمنەن، نەدەن قورقادى؟»، - دەدى ادىلەت ءمينيسترى.

سوڭعى جاڭالىقتار