ادىلدىك يدەياسى ۇستەمدىك قۇرعان قوعامدا پوليتسەيلەرگە جوعارى تالاپ قويىلىپ، زور جاۋاپكەرشىلىك جۇكتەلەدى - توقايەۆ

استانا. KAZIINFORM - مەملەكەت باسشىسى قاسىم-جومارت توقايەۆ پوليتسيا قىزمەتكەرلەرىنە كاسىبي مەرەكەسىنە وراي جىلى لەبىزىن جولدادى.

- قۇرمەتتى پوليتسيا قىزمەتكەرلەرى! كاسىبي مەرەكەلەرىڭىزبەن قۇتتىقتايمىن! سىزدەر زاڭ مەن ءتارتىپتى ساقتاۋعا، ازاماتتاردىڭ قاۋىپسىزدىگى مەن تىنىشتىعىن قورعاۋعا ەلەۋلى ەڭبەك ءسىڭىرىپ كەلەسىزدەر. ادىلدىك يدەياسى ۇستەمدىك قۇرعان قوعامدا پوليتسيا قىزمەتكەرلەرىنە جوعارى تالاپ قويىلىپ، زور جاۋاپكەرشىلىك جۇكتەلەدى. سىزدەر انتقا ادالدىقتىڭ جانە جۇرتقا جاناشىرلىقتىڭ وزىق ۇلگىسىن كورسەتۋلەرىڭىز كەرەك. ءاربىر ءتارتىپ ساقشىسىنىڭ قىزمەتىن ءمىنسىز اتقارىپ، بىلىكتى مامان، وتانشىل ازامات بولۋى وتە ماڭىزدى. سىزدەردىڭ ادىلەتتى مەملەكەت پەن بەرەكەلى قوعام قۇرۋعا ولشەۋسىز ۇلەس قوسىپ، «زاڭ مەن ءتارتىپ» قاعيداتىن ورنىقتىرۋعا اتسالىسا بەرەتىندەرىڭىزگە سەنەمىن. ءاردايىم ابىروي بيىگىندە بولىڭىزدار! بارشاڭىزعا زور دەنساۋلىق، تولايىم تابىس تىلەيمىن! - دەلىنگەن پرەزيدەنت قۇتتىقتاۋىندا.