ادۆوكاتتان تەگىن كومەك قانداي جاعدايدا بەرىلەدى؟
قۇقىقتىق ماسەلەگە بايلانىستى تۋىنداعان قيىن جاعدايدا، ازاماتتىڭ كوپشىلىگىن، ادۆوكاتتان قالاي تەگىن قۇقىقتىق كەڭەس الۋعا بولادى، - دەگەن سۇراق مازالايدى. وسى تۇستا ادۆوكات ەلنۋرا كيشكەنەبايەۆا TikTok-پاراقشاسىندا مەملەكەت كەپىلدىك بەرگەن زاڭ كومەگىن قالاي الۋعا بولاتىنى تۋرالى ايتتى.
«تۇتىنۋشى كەلگەن كەزدە ادۆوكاتپەن ارنايى كەلىسىم شارتقا وتىرادى جانە گونورار بەرەدى. ەگەر كليەنتتىڭ ادۆوكات جالداۋعا شاماسى بولماسا، وندا سوتقا ءوتىنىش جانە تيەسىلى قۇجاتتاردى وتكىزىپ، تەگىن ادۆوكاتتىق قىزمەت ۇسىنۋىنى تالاپ ەتە الادى»، - دەدى ەلنۋرا كيشكەنەبايەۆا.
مامان ايتقان ادۆوكاتتان تەگىن كەڭەس ق ر ادۆوكاتتىق قىزمەت جانە زاڭ كومەگى تۋرالى زاڭىنىڭ 18-بابىندا كورسەتىلگەن. زاڭ بويىنشا كومەكتى الۋعا قۇقىعى بار جەكە جانە زاڭدى تۇلعالارعا وسى زاڭدا جانە قازاقستان رەسپۋبليكاسىنىڭ وزگە دە زاڭدارىندا كوزدەلگەن نەگىزدە جانە تارتىپپەن، تەگىن نەگىزدە كورسەتىلەتىن زاڭ كومەگى مەملەكەت كەپىلدىك بەرەتىن زاڭ كومەگى دەپ تانىلادى.
ق ر ادۆوكاتتىق قىزمەت جانە زاڭ كومەگى تۋرالى زاڭىنىڭ 2-ءبولىمى 2-تارماعىنا سايكەس مەملەكەت كەپىلدىك بەرگەن زاڭ كومەگىن كورسەتۋگە مىندەتتى تۇلعالار:
مەملەكەتتىك ورگاندار؛
ادۆوكاتتار؛
زاڭ كونسۋلتانتتارى؛
نوتاريۋستار؛
جەكە سوت ورىنداۋشىلارى.
مەملەكەت كەپىلدىك بەرگەن زاڭ كومەگىن الۋعا قۇقىعى بار تۇلعالار:
قۇقىقتىق اقپارات بەرۋ تۇرىندەگى مەملەكەت كەپىلدىك بەرگەن زاڭ كومەگىن تەگىن الۋعا بارلىق جەكە جانە (نەمەسە) زاڭدى تۇلعالاردىڭ قۇقىعى بار.
تۇلعا مىنا جاعدايدا قۇقىقتىق كونسۋلتاتسيا بەرۋ تۇرىندەگى مەملەكەت كەپىلدىك بەرگەن زاڭ كومەگىن الا الادى:
- اليمەنت ءوندىرىپ الۋ، زەينەتاقى مەن جاردەماقى تاعايىنداۋ، اقتاۋ، بوسقىن نەمەسە قانداس مارتەبەسىن الۋ ماسەلەلەرى بويىنشا جەكە تۇلعالارعا، اتا- اناسىنىڭ قامقورلىعىنسىز قالعان كامەلەتكە تولماسا؛
- مارتەبەسىنە نەمەسە جاعدايىنا بايلانىستى قۇقىقتارى مەن زاڭدى مۇددەلەرىن قامتاماسىز ەتۋ جانە قورعاۋ ماسەلەلەرى بويىنشا سەكسۋالدىق زورلىق- زومبىلىق، ادام ساۋداسى، تەرروريزم اكتىسى قۇرباندارىنا نە ازاپتاۋلارعا ۇشىراعان قۇربان بولسا؛
- اسىراۋشىسىنىڭ قايتىس بولۋىنان كەلتىرىلگەن زياندى وتەۋ ماسەلەلەرى بويىنشا جەكە تۇلعا بولسا؛
- جۇمىسىنا بايلانىستى دەنساۋلىعىنىڭ زاقىمدانۋىنان كەلتىرىلگەن نە قىلمىستىق قۇقىق بۇزۋشىلىقپەن كەلتىرىلگەن زياندى وتەۋ ماسەلەلەرى بويىنشا جەكە تۇلعا بولسا؛
- ۇلى وتان سوعىسىنا قاتىسۋشىلار، جەڭىلدىكتەر بويىنشا ۇلى وتان سوعىسىنا قاتىسۋشىلارعا تەڭەستىرىلگەن ادامدار، سونداي- اق باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى، مەرزىمدى قىزمەتتەگى اسكەري قىزمەتشىلەر، ءبىرىنشى جانە ەكىنشى توپتاعى مۇگەدەكتىگى بار ادامدار، جاسى بويىنشا زەينەتكەرلەر بولىپ تابىلاتىن، كاسىپكەرلىك قىزمەتپەن بايلانىستى ەمەس ماسەلەلەر بويىنشا جەكە تۇلعا بولسا؛
- كاسىپكەرلىك قىزمەتپەن بايلانىستى ەمەس ماسەلەلەر بويىنشا كوپبالالى وتباسى بولسا؛
- كاسىپكەرلىك قىزمەتپەن بايلانىستى ەمەس ماسەلەلەر بويىنشا جان باسىنا شاققانداعى ورتاشا ايلىق كىرىستەرى وبلىستاردا، رەسپۋبليكالىق ماڭىزى بار قالالاردا، استانادا بەلگىلەنگەن كەدەيلىك شەگىنەن تومەن تابىسى از ادام نە وتباسى بولسا، وسى زاڭدا جانە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن كورسەتىلەدى.
سوتتا، قىلمىستىق قۋدالاۋ ورگاندارىندا، وزگە دە مەملەكەتتىك ورگانداردا جانە مەملەكەتتىك ەمەس ۇيىمداردا جەكە تۇلعالاردىڭ مۇددەلەرىن قورعاۋ جانە ءبىلدىرۋ تۇرىندەگى مەملەكەت كەپىلدىك بەرگەن زاڭ كومەگى:
- ق ر اكىمشىلىك قۇقىقبۇزۋشىلىق تۋرالى زاڭناماسىنا سايكەس اكىمشىلىك جاۋاپتىلىققا تارتىلاتىن ادامعا؛
- ق ر ازاماتتىق پروتسەستىك زاڭناماسىنا سايكەس تالاپ قويۋشىعا نە جاۋاپكەرگە جانە ق ر اكىمشىلىك سوت ءىسىن جۇرگىزۋ تۋرالى زاڭناماسىنا سايكەس تالاپ قويۋشىعا؛
- ق ر قىلمىستىق- پروتسەستىك زاڭناماسىنا سايكەس كۇدىكتىگە، ايىپتالۋشىعا، سوتتالۋشىعا، سوتتالعان ادامعا، اقتالعان ادامعا، جابىرلەنۋشىگە وسى زاڭدا جانە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن كورسەتىلەدى.
