ادەمى قارتايۋدىڭ التىن ەرەجەلەرى

 قازىرگى كەزدە بۇكىل الەمدە جاس ەرەكشەلىگى وزگەرىستەرىن قابىلداۋعا نەگىزدەلگەن قارتايۋ فيلوسوفياسىن قولداپ جاتىر. ەندەشە، اعزانىڭ ادەمى قارتايۋىنا كومەكتەسەتىن ادىستەردى ۇسىنامىز. 

قازىرگى كەزدە بۇكىل الەمدە جاس ەرەكشەلىگى وزگەرىستەرىن قابىلداۋعا نەگىزدەلگەن قارتايۋ فيلوسوفياسىن قولداپ جاتىر. ەندەشە، اعزانىڭ ادەمى قارتايۋىنا كومەكتەسەتىن ادىستەردى ۇسىنامىز.

1-ەرەجە. دۇرىس تاماقتانۋ

تازا سۋ، تابيعي كوكونىستەر مەن جەمىستەر، تازا ەت، كونسەرۆانتتاردىڭ بولماۋى، جۇيەلى تۇردە تاماقتانۋ - ادەمى قارتايۋدىڭ العاشقى جانە نەگىزگى ەرەجەسى.

2-ەرەجە. دۇرىس ۇيقى

مي جاسۋشالارى ۇيقى كەزىندە بايلانىستاردى قالپىنا كەلتىرەدى، جاڭا حابارلاۋشى جولداردى تۇزەدى جانە بۇكىل دەنە جاعدايى جايلى اقپاراتتى وڭدەيدى. دۇرىس ۇيقى عانا اعزا ساۋلىعى ءۇشىن قاجەتتى ەنەرگيانىڭ بارلىق ءتۇرىنىڭ قالپىنا كەلۋىنە مۇمكىندىك بەرەدى.

3-ەرەجە. بۇلشىقەتتەر مەن قيمىل-تىرەك اپپاراتىنىڭ تونۋسى

كوپشىلىكتە ءبىر ورىندا وتىرىپ ۇزاق جۇمىس جاساعاندىقتان، موينى بۇكىرەيىپ كەتەدى. ەگەر مويىن كۇيى ءوزىنىڭ دۇرىس قالپىن ساقتاسا، مي قاناينالىمى جاقسى بولادى. ومىرتقانىڭ كەۋدە بولىگى دۇرىس بولسا، تىنىس الۋىڭىز جاقسى جانە جۇرەگىڭىز ساۋ بولادى. ال بەل بولىگى ساۋ بولسا، كىشى جامباس پەن اياق جۇمىسى ساپالى بولار ەدى. بۇلشىقەت جۇيەسىن ساقتاۋ ءۇشىن نە ىستەۋ كەرەك؟ سپورتپەن اينالىسۋ جانە بەلسەندى ءومىر سالتىن ۇستانۋ قاجەت.

4-ەرەجە. ىشكى ورگاندارعا ەرەكشە ءمان بەرۋ

اسقازان-ىشەك جولى، تىنىس الۋ، جۇرەك-قان تامىرلار، يممۋندى جانە ەندوكريندى جۇيەنى باقىلاۋدا ۇستاۋ كەرەك. جىل سايىن جوسپارلى تەكسەرىستەن ءوتۋ ورگاندار جۇمىسىن ۋاقىتىندا قالپىنا كەلتىرۋگە مۇمكىندىك بەرەدى.

5-ەرەجە. كۇيزەلىستى باقىلاۋ

ءار ۇساق- تۇيەكتى ۋايىمداۋ، كەز كەلگەن نارسەگە اشۋلانۋ، قىزبالىققا سالىنۋ، باسقالاردىڭ سوزدەرىن وزىڭىزگە قابىلداۋ - بۇلاردىڭ بارلىعى جالپى دەنساۋلىعىڭىزعا جاعىمسىز اسەر ەتىپ، ەرتە قارتايۋىڭىزعا ىقپال ەتەدى. سوندىقتان ءوز-وزىڭىزبەن جۇمىس جاساپ، كۇيزەلىسكە تۇسپەۋگە تىرىسىڭىز.

6-ەرەجە. تەرىگە كۇتىم جاساۋ

تەرىنى ۋلتراكۇلگىن ساۋلە، ءتۇتىن، شاڭ جانە لاستىقتان قورعاڭىز. تەرىنى ءاردايىم ىلعالداندىرىپ ءجۇرىڭىز. ول ءۇشىن وعان ىشتەي تە، سىرتتاي دا اسەر ەتىڭىز. مىسالى، سۋ كوپ ءىشىڭىز جانە ىلعالداندىرۋشى ساپالى كرەمدەر قولدانىڭىز. تەرىگە پايدالى دارۋمەندەرگە دە ءمان بەرىڭىز.