ادەبيەت سالاسىنداعى نوبەل سىيلىعىن وڭتۇستىك كورەيا جازۋشىسى حان گان الدى
استانا. KAZINFORM - ادەبيەت بويىنشا 2024-جىلعى نوبەل سىيلىعى وڭتۇستىك كورەيالىق جازۋشى حان گانعا «تاريحي اۋىرتپالىقتارعا قارسى تۇراتىن جانە ادام ءومىرىنىڭ نازىكتىگىن اشكەرەلەيتىن قارقىندى، پوەتيكالىق پروزاسى ءۇشىن» بەرىلدى، دەپ جازادى BBC.
«حان گان ءوز شىعارماسىندا تاريحي اۋىرتپالىقتار مەن كوزگە كورىنبەيتىن ەرەجەلەر جيىنتىعىن زەرتتەپ، ءار شىعارماسىندا ادام ءومىرىنىڭ نازىكتىگىن اشادى. ول ءتان مەن جاننىڭ، ءتىرى مەن ءولى اراسىنداعى بايلانىستى ەرەكشە تۇسىنەدى جانە ونىڭ پوەتيكالىق جانە ەكسپەريمەنتالدى ستيلى قازىرگى پروزانىڭ جاڭالىعىنا اينالدى» دەلىنگەن نوبەل كوميتەتىنىڭ باسپا ءسوز حابارلاماسىندا.
وتكەن جىلى نوبەل كوميتەتى نورۆەگيالىق اۆتور يۋن فوسسەگە «سوزبەن جەتكىزۋ مۇمكىن ەمەس دۇنيەنى دىبىستايتىن يننوۆاتسيالىق پەسالارى مەن پروزالارى» ءۇشىن ادەبيەت سىيلىعىن بەردى.
وتكەن جىلدارداعى سىيلىق يەگەرلەرى:
2023: يۋن فوسسە (نورۆەگيا)
2022: انني ەرنو (فرانسيا)
2021: ابدۋلرازاك گۋرنا (تانزانيا)
2020: لۋيزا گليۋك (ا ق ش)
2019: پەتەر حاندكە (اۋستريا)
2018: ولگا توكارچۋك (پولشا)
2017: كادزۋو يسيگۋرو (ۇلى بريتانيا)
2016: بوب ديلان (ا ق ش)
2015: سۆەتلانا الەكسيەۆيچ (بەلارۋس)
2014: پاتريك موديانو (فرانسيا)
2013: ەليس مانرو (كانادا)
2012: مو يان (قىتاي)
2011: توماس ترانسترەمەر (شۆەتسيا)
2010: ماريو ۆارگاس لوسا (پەرۋ)
2009: گەرتا ميۋللەر (گەرمانيا)
2008: جان-ماري لە كلەزيو (فرانسيا)
2007: دوريس لەسسينگ (ۇلى بريتانيا)
2006: ورحان پامۋك (تۇركيا)
بۇعان دەيىن 2024-جىلعى فيزيكا سالاسىنداعى نوبەل سىيلىعى نەيروندىق جەلىلەردى ماشينالىق وقىتۋعا مۇمكىندىك بەرگەن جاڭالىقتارى مەن ونەرتابىستارى ءۇشىن قوس عالىم دجون حوپفيلد پەن دجەففري حينتونعا بەرىلگەنىن حابارلاعان بولاتىنبىز.
