اۋدان اكىمدىكتەرى جەر تەلىمدەرىنە كەزەكتى ادەيى جاسىرىپ كەلگەن
قوستاناي. KAZINFORM - مۇنداي كەمشىلىكتەردى قوعامدىق مونيتورينگ 10 قالا جانە اۋدان اكىمدىكتەرىنەن انىقتادى.
ق ر مەملەكەتتىك قىزمەت ىستەرى اگەنتتىگىنىڭ قوستاناي وبلىسى بويىنشا دەپارتامەنتى ءۇي سالۋ ءۇشىن بەرىلەتىن جەر تەلىمدەرىن ءبولۋ تۋرالى اقپاراتتاردى قاساقانا جاسىرۋ فاكتىلەرىن انىقتادى.
- ق ر جەر كودەكسىنىنە سايكەس، جەرگىلىكتى اتقارۋشى ورگاندار توقسان سايىن وزدەرىنىڭ رەسمي رەسۋرستارىندا جەر كەزەگىندە تۇرعان ادامدار مەن بەرىلگەن جەر تەلىمدەرى تۋرالى مالىمەتتەردى جاريالاپ وتىرۋى كەرەك. الايدا، اۋليەكول، قاراسۋ، ناۋىرزىم، سارىكول، قارابالىق، امانگەلدى، جانكەلدى، ۇزىنكول، التىنسارين اۋداندارى مەن ارقالىق قالاسىنىڭ اكىمدىكتەرىندە مۇنداي مالىمەتتەر جوق بولىپ شىقتى، - دەپ حابارلادى ۆەدومستۆو وكىلدەرى.
وسى كەمشىلىكتەردى جويۋ ءۇشىن دەپارتامەنت تاراپىنان ءتيىستى شارالار قولعا الىندى. قازىرگى تاڭدا اتالعان كەمشىلىكتەر جويىلدى.
ۆەدومستۆو وكىلدەرى سونداي-اق 2025 -جىلى تۇسكەن شاعىمداردىڭ جارتىسىنان كوبى وسى جەر قاتىناستارىنا، سونىڭ ىشىندە قىزمەت كورسەتەتىن ادامداردىڭ ارەكەتىنە نەمەسە ارەكەتسىزدىگىنە قاتىستى بولعانىن انىقتادى.
وسىعان دەيىن پاۆلودار وبلىسىندا اۋداننىڭ جەر قاتىناستارى ءبولىمىنىڭ باسشىسى سوتتالعانى تۋرالى جازدىق.
