ادامدى كوشەدە توقتاتىپ اسكەرگە الىپ كەتۋ قانشالىقتى زاڭدى - زاڭگەر جاۋاپ بەردى

атыс
Фото: ҚР Қорғаныс министрлігі

وسكەمەن. KAZINFORM - «اسكەري كوميسساريات قىزمەتكەرلەرىنىڭ جىگىتتەردى كوشەدە توقتاتىپ اسكەرگە الىپ كەتۋگە قۇقىعى بار ما؟» دەگەن سۇراققا زاڭگەر الەكسەي باجكوۆ جاۋاپ بەردى.

ەل اراسىندا اسكەري كوميسساريات قىزمەتكەرلەرىنىڭ ادام كوپ جۇرەتىن ساۋدا ۇيلەرىن، دەمالىس ورىندارىن تورۋىلداپ، جىگىتتەردى اسكەرگە الىپ كەتكەن جاعدايلار تۋرالى ءسوز تاراپ ءجۇر. بۇنداي اڭگىمە اسىرەسە اسكەرگە شاقىرۋ ماۋسىمى اياقتالۋعا جاقىنداعاندا ءجيى ايتىلادى. كەيبىرەۋلەر «اسكەردەن قاشىپ جۇرگەندەردى وسىلاي ماجبۇرلەگەن دۇرىس» دەسە، ەندى باسقالارى «بۇل ادامنىڭ قۇقىعىن بۇزۋ» دەپ ەسەپتەيدى.

«بۇل ماسەلەدە «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭنىڭ 30-بابىندا ناقتى تۇجىرىم جوق. وندا ازاماتقا اسكەرگە شاقىرۋ قاعازىن جەكە تاپسىرۋ مۇمكىن بولماسا، ونىڭ كەلۋىن قامتاماسىز ەتۋ قۇزىرلى ورگانعا جۇكتەلەتىنى ايتىلعان.

ءبىراق كەلۋىن مىندەتتەۋ ق ر ا ق ب ت ك نەمەسە باسقا قانداي نورمالار شەڭبەرىندە ورىندالۋى كەرەكتىگى ناقتى كورسەتىلمەگەن»، - دەيدى الەكسەي باجكوۆ.

ەگەر پوليتسەيلەر مەن اسكەري كوميسساريات قىزمەتكەرلەرى ءوز ارەكەتتەرىن ق ر اكىمشىلىك قۇقىق بۇزۋشىلىق تۋرالى 647-بابىنا (ازاماتتاردىڭ اسكەري ەسەپكە الۋ جونىندەگى مىندەتتەرىن ورىنداماۋى) نەگىزدەسە، وندا بارلىق ءىس-ارەكەت قاتاڭ تۇردە وسى باپتىڭ تالاپتارىنا سايكەس جۇرگىزىلۋى ءتيىس.

«ياعني، اۋەلى ادامدى ۇستايدى، سوسىن ءتيىستى جەرگە جەتكىزەدى. دەسە دە ءبارىن بىردەي ۇستاي بەرۋگە تاعى جول بەرىلمەيدى. سەبەبى ۇستاۋ - ءىس جۇرگىزۋدى قامتاماسىز ەتۋ شاراسى رەتىندە قۇقىق بۇزۋشىلىقتىڭ جولىن كەسۋ نەمەسە جەكە، زاڭدى، لاۋازىمدى تۇلعالاردىڭ جەكە باس بوستاندىعىن قىسقا مەرزىمدى شەكتەۋ بولىپ سانالادى. بۇل سانكسيا تەك قۇقىق بۇزۋشىعا عانا قولدانىلادى»، - دەيدى زاڭگەر.

زاڭ بويىنشا ادامنىڭ ۇستالعانى تۋرالى مىندەتتى تۇردە حاتتاما جاسالۋى قاجەت.

«ەگەر ۇستالعان ادامعا قانداي دا ءبىر زالال كەلتىرىلسە لاۋازىمدى تۇلعا جاۋاپ بەرەدى. مۇنداي ارەكەتتەر بولىپ جاتسا مىندەتتى تۇردە شاعىم ءتۇسىرۋ كەرەك. قۇقىق قورعاۋ ورگانىنىڭ قىزمەتكەرى ءسىزدىڭ شاعىمىڭىزبەن كەلىسپەۋى ابدەن ىقتيمال. سوندىقتان زاڭدا قالاي ارەكەت ەتۋ كەرەكتىگى ناقتى جازىلماسا، وسىنداي كەلەڭسىزدىكتەر بولا بەرەدى»، - دەيدى ا. باجكوۆ.

سوڭعى جاڭالىقتار