ادامداردىڭ ۇستىنە ايالداما قۇلاعان جاعدايدا وتەماقىنى كىم تولەيدى
استانا اكىمدىگى جەلدەن قۇلاعان ايالداما پاۆيلونى قۇلاعان جاعدايدا قانداي شارالار قولدانىلاتىنىن ءتۇسىندىردى، دەپ حابارلايدى Kazinform.
«استانا قالاسى اۋداندارى اكىمدەرىنىڭ اپپاراتى، سونداي-اق ەلورداداعى كولىك جانە جول - كولىك ينفراقۇرىلىمىن دامىتۋ باسقارماسى مەملەكەتتىك مەكەمەلەردىڭ بالانسىنداعى نىسانداردى، ياعني ايالداما پاۆيلوندارى بۇزىلعان جاعدايدا جوندەۋ جۇمىستارىن ىسكە اسىرادى»، - دەلىنگەن اكىمدىكتىڭ Kazinform اگەنتتىگىنە بەرگەن جاۋابىندا.
ال ايالداما پاۆيلونىنىڭ قۇلاۋىنان زارداپ شەككەندەرگە وتەماقى تولەۋ ماسەلەسىنە توقتالساق، مۇنداي ىستەر ازاماتتىق-قۇقىقتىق قاتىناس اياسىندا رەتتەلىپ، سوت ارقىلى شەشىلەدى.
ەستەرىڭىزگە سالا كەتەيىك، 2023 -جىلدىڭ جەلتوقسانىندا ەلوردادا اۆتوبۋس ايالداماسىنىڭ اينەگى قۇلاپ، 2 ادام جارالانعان ەدى.
قاراشا ايىنداعى داۋىل كەزىندە قالاداعى 7 اۆتوبۋس ايالداماسى وپىرىلدى.
