ادامدار ۋاقىتتىڭ 90 پايىزىن عيمارات ىشىندە وتكىزەدى - الماز شارمان

الماتى. KAZINFORM - - ۋاقىتتى وزگەرتۋ - بۇل ءبىزدىڭ ءومىرىمىزدى تابيعي بيولوگيالىق ىرعاققا ۇيلەستىرۋ مۇمكىندىگى. بۇل تۋرالى ق ر پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان ايتتى.

- قازىر ادامزات ۋاقىتتىڭ %90 عيمارات ىشىندە، جاساندى جارىق استىندا وتكىزەدى. ۋاقىتتى وزگەرتۋ - بۇل ءبىزدىڭ ءومىرىمىزدى تابيعي بيولوگيالىق ىرعاققا ۇيلەستىرۋ مۇمكىندىگى. ءبىز اشىق اۋادا، اسىرەسە دەمالىس كۇندەرى، وتباسىمىزبەن، بالالارىمىزبەن كوبىرەك ۋاقىت وتكىزىپ، تابيعات سياقتى ەرتە ويانۋىمىز كەرەك، - دەپ اتاپ ءوتتى ول.

سونىمەن قاتار الماز شارمان، ا ق ش- تا 1966-جىلدان باستاپ جازعى جانە قىسقى ۋاقىتتارعا كوشۋ تاجىريبەسى بار ەكەنىن جەتكىزدى. ازاماتتاردىڭ مەزگىلدىك بەيىمدەلۋىنە قاراماستان، ەل قولايسىزدىقتى جويۋ جانە ءومىر ءسۇرۋ ساپاسىن جاقسارتۋ ءۇشىن ءبىر ۋاقىتقا اۋىسۋعا تىرىسادى.

- بيوريتمدەر - بۇل جەكە نارسە. ءوز ءومىر سالتتارىمەن ءومىر سۇرەتىن ادامدار بولادى. ءبىراق كوپشىلىكتىڭ قاجەتتىلىكتەرىن قاناعاتتاندىرۋعا باعىتتالعان مۇددەلەرگە باسىمدىق بەرۋ كەرەك. ءبىرىڭعاي ۋاقىت - بۇل قوعام ءومىرىن جاقسارتۋعا جاسالعان قادام، -دەدى ساراپشى.

عالىم تابيعي تسيكلدارمەن ۇيلەستىرۋ دەنساۋلىقتى نىعايتۋعا عانا ەمەس، ءومىر ساپاسىن جاقسارتۋعا دا كومەكتەسەتىنىن اتاپ ءوتتى.

- ءبىر ۋاقىت كۇندى قورشاعان الەممەن ۇيلەسىمدىلىكتى ساقتاي وتىرىپ، وتباسى مەن دەمالىسقا كوبىرەك ۋاقىت ءبولۋ ءۇشىن ۇيىمداستىرۋعا مۇمكىندىك بەرەدى، - دەپ ەسەپتەيدى الماز شارمان.

وسىعان دەيىن، عىلىم جانە جوعارى ءبىلىم مينيسترلىگى زەرتتەۋ الگوريتمىن تۇسىندىرگەن ەدى.

بۇدان بۇرىن حابارلانعانداي، بيىل قاراشا ايىندا قازاقستاندا ءبىرىڭعاي ۋاقىت بەلدەۋىنىڭ ادامدارعا اسەرى زەرتتەلەتىنى ءمالىم بولدى.

ۋاقىت بەلدەۋىن زەرتتەۋگە شامامەن 160 ميلليون تەڭگە جۇمسالماق.