ادام ولىمىنە قاتىستى قىلمىسقا كۇدىكتى رەسەيدەن ەكستراديتسيالاندى
استانا. KAZINFORM - قازاقستان رەسپۋبليكاسىنىڭ باس پروكۋراتۋراسى جابىرلەنۋشىنىڭ ولىمىنە اكەپ سوققان اۋىر دەنە جاراقاتىن كەلتىرگەنى ءۇشىن قازاقستان ازاماتىن رەسەي فەدەراتسياسىنان ەكستراديتسيالادى. بۇل تۋرالى ق ر باس پروكۋراتۋراسى ءمالىم ەتتى.
- كۇدىكتى 2021 -جىلدىڭ ناۋرىز ايىندا تاعى دا جەكە تۇلعاعا قارسى اۋىر قىلمىس جاساعان. اتاپ ايتقاندا، كۇدىكتى قوستاناي قالاسىنداعى جابىرلەنۋشىنىڭ پاتەرىندە بىرگە الكوگولدىك ىشىمدىك ءىشۋ كەزىندە ءوزارا ارازدىق سالدارىنان جابىرلەنۋشىنىڭ باسى مەن دەنەسىنە كوپتەگەن جاساعان سوققىلار سالدارىنان جابىرلەنۋشى قايتىس بولدى. جاۋاپتىلىقتان قۇتىلعىسى كەلگەن كۇدىكتى قاشىپ كەتكەن، سول سەبەپتى ول حالىقارالىق ىزدەۋگە جاريالانعان، - دەلىنگەن حابارلامادا.
كۇدىكتى ىزدەۋدە جۇرگەندە رەسەي اۋماعىندا قاراقشىلىق شابۋىل جاساپ، سول ءۇشىن رەسەي سوتىمەن سوتتالعان. كورشى مەملەكەتتە جازاسىن وتەگەننەن كەيىن قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا وتانىنا ەكستراديتسيالانىپ، قازىرگى ۋاقىتتا تەرگەۋ يزولياتورىنا قامالدى.
جابىرلەنۋشىنىڭ ولىمىنە اكەپ سوقتىرعان اۋىر دەنە جاراقاتىن كەلتىرگەنى ءۇشىن ول 8 جىلدان 12 جىلعا دەيىن باس بوستاندىعىنان ايىرۋ جازاسى قاراستىرىعان.
ەسكە سالا كەتەيىك، بۇعان دەيىن مينيسترلىك سۋدى كولەڭكەلى نارىقتا ساتقانداردىڭ ءىسىن باس پروكۋراتۋراعا جولداعانىن جازعان بولاتىنبىز.
