20:30, 03 - قاڭتار 2024 | GMT +5
ادام ءولتىردى دەگەن كۇدىكتى ورماننان اسىلعان كۇيدە تابىلدى
ادام ءولتىردى دەگەن كۇدىكتى ريددەردەگى ورماننان اسىلعان كۇيدە تابىلدى، - دەپ حابارلايدى YK-news.kz سايتى.
«بۇعان دەيىن ىزدەۋدە جۇرگەن كۇدىكتىنىڭ ءمايىتى 19- جەلتوقساندا ريددەر قالاسىنىڭ ءتورتىنشى اۋدانىنداعى ورمان القابىنان تابىلدى. قازىر ءتيىستى ساراپتامالار تاعايىندالىپ، تەرگەۋ امالدارى جۇرگىزىلىپ جاتىر. سۋيتسيد دەرەگى بويىنشا سوتالدى تەرگەۋ امالدارى جۇرگىزىلىپ جاتىر»، - دەپ حابارلادى ش ق و ءى ءى د وكىلدەرى.
باسىلىم مالىمەتىنشە، بىلتىر كۇزدە ريددەردەگى كوپقاباتتى ۇيلەردىڭ بىرىنەن «زورلىق-زومبىلىقپەن ءولىم بەلگىلەرى» بار 33 جاستاعى ايەلدىڭ دەنەسى تابىلعان ەدى. الەۋمەتتىك جەلىلەر مەن مەسسەندجەرلەردە ادام ءولتىردى دەگەن كۇدىكتى تۋرالى اقپارات تارادى.
بەيرەسمي دەرەككوزدىڭ ايتۋىنشا، مارقۇم مەن 1974-جىلى تۋعان كۇدىكتى ءبىراز ۋاقىت بىرگە تۇرعان.
