ادام ءمايىتىن ورتەپ جەرلەۋدىڭ ەرەجەلەرى جاريالاندى

استانا. KAZINFORM – ق ر ۇلتتىق ەكونوميكا مينيسترلىگى كرەماتوريلەردىڭ قىزمەتىن رەتتەپ، جۇمىسىن قامتاماسىز ەتۋدى كوزدەيتىن بۇيرىق جوباسىن جاريالادى.

قۇجاتتا جەرلەۋ مەن زيراتتاردى كۇتىپ ۇستاۋ قاعيدالارىنا بىرنەشە وزگەرىس ەنگىزۋ ۇسىنىلعان.

اتاپ ايتساق، جەرلەۋ مەن زيراتتاردى كۇتىپ ۇستاۋدىڭ ۇلگىلىك قاعيدالارىنا قوسىمشا بەس ۇعىم ەنگىزىلمەك.

«كولۋمباري - كرەماتسيالانعان ءمايىتتىڭ كۇلى بار ۋرنالار قويماسى؛

كولۋمباريانىڭ مەموريالدى تاقتاسى - قايتىس بولعاننىڭ اتى، تەگى مەن اكەسىنىڭ اتى، تۋعان كۇنى مەن قايتىس بولعان كۇنى كورسەتىلگەن كولۋمباريانىڭ قۋىسىن جاۋىپ تۇراتىن تاقتا؛

كولۋمبار تاۋاشاسى - كولۋمبار قۇرىلىمىنداعى تەرەڭدەتىلگەن ۇياشىق. وعان قايتىس بولعان نەمەسە قايتىس بولعان ادامنىڭ كۇلىمەن قوقىس جاشىگى ورناتىلادى؛

كۇل - كرەماتسيادان كەيىن قايتىس بولعان ادامنىڭ دەنەسىنىڭ قالدىقتارى.

جەرلەۋ ۋرناسى - قايتىس بولعان نەمەسە قايتىس بولعان ادامنىڭ كۇلىن ساقتاۋعا، تاسىمالداۋعا جانە كومۋگە ارنالعان ىدىس»، - دەپ جازىلعان بۇيرىق جوباسىندا.

بۇيرىق جوباسى بويىنشا، كولۋمباريالار ارنالعان جەر ۋچاسكەلەرى ءداستۇرلى زيرات اۋماقتارىنان تىس جەردە ورنالاسۋ كەرەك.

«كۇلى بار ۋرنادا قايتىس بولعان ادامنىڭ تەگى، اتى، اكەسىنىڭ اتى (بار بولسا) جانە كرەماتسيانىڭ تىركەۋ ءنومىرى كورسەتىلەدى. كولۋمباريانىڭ بىرنەشە ءتۇرى بار:

ا) اشىق - ۇياشىقتارى بار قابىرعالار اشىق اسپان استىنداعى زيراتتاردا ورنالاسقان؛

ءا) جابىق - عيماراتتاردىڭ ىشىنە ورنالاستىرىلعان»، - دەلىنگەن بۇيرىق جوباسىندا.

قۇجاتتا ورتەلگەن ءمايىت كۇلىن جەرلەيتىن شۇڭقىردىڭ كولەمىنە قويىلاتىن تالاپتار دا كورسەتىلگەن.

«كولۋمباري تاۋاشاسىنىڭ مولشەرى كۇل سالىنعان ۋرنانىڭ پىشىنىنە، كولەمىنە جانە بەرىلگەن سىيىمدىلىعىنا بايلانىستى 400*400*300 ميلليمەتردى قۇرايدى»، - دەپ جازىلعان قۇجاتتا.

اۆتور

ەسىمجان ناقتىباي