ماڭعىستاۋداعى قايعىلى وقيعادان امان قالعان اتىراۋلىق سارباز جاعاعا ءوزى ءجۇزىپ شىققان

بەكەت قۋاندىقتىڭ اتا-اناسى وسى جاعدايدى ەستىگەننەن كەيىن اقتاۋ قالاسىنا جولعا شىعىپ، ۇلىمەن كەزدەسكەن. ساربازدىڭ جاعدايى جاقسى، ءوزى ءجۇرىپ-تۇرا الادى.

- بالام ءدىن امان. مۇندايدى كورۋدى ەشكىمنىڭ باسىنا بەرمەسىن. اۋرۋحاناعا جاتپاعان. ءوز كۇشىمەن جاعاعا جەتتى. قالعانى تەكسەرىس بارىسى بىتكەن سوڭ ايتىلاتىن بولار، - دەپ جازدى بەكەتتىڭ اناسى.

بەكەت قۋاندىق - اتىراۋ وبلىسىنا قاراستى ماحامبەت اۋدانىنىڭ تۇرعىنى. ول بىلتىر قازان ايىندا مەرزىمدى اسكەري قىزمەتكە شاقىرىلعان.

- قازاقستان حالقى ءۇشىن بۇل وتە قيىن جاعداي. سوزبەن ايتىپ جەتكىزە المايمىن. ەشكىمنىڭ باسىنا بەرمەسىن. كوز جۇمعان بالالاردىڭ جاقىندارىنا كوڭىل ايتامىن، - دەدى ول.

بۇعان دەيىن ماڭعىستاۋدا قازا تاپقان تۇركىستاندىق اسكەري قىزمەتشىنىڭ دەنەسى تۋعان جەرىنە جەتكىزىلگەنىن جازعان ەدىك.