ماڭعىستاۋدا جاڭا مۇناي كەن ورنىن انىقتاۋعا باعىتتالعان بۇرعىلاۋ باستالدى

ماڭعىستاۋ اۋدانىنا قاراستى بەكى اۋىلى ماڭىندا تەرەڭدىگى 2700 مەتر بولاتىن بارلاۋ ۇڭعىماسى بۇرعىلانباق.

ماڭعىستاۋ اۋدانى اكىمدىگىنىڭ مالىمەتىنشە، اتالعان اۋماقتا بارلاۋ ماقساتىندا بۇرعىلاۋ جۇمىستارى باستالعان. ماماندار ۇڭعىمانى 2700 مەتر تەرەڭدىككە دەيىن جەتكىزىپ، مۇناي مەن گاز قورىنىڭ بار-جوعىن انىقتاۋدى كوزدەپ وتىر.

- بارلاۋ جۇمىستارىن «bs كاسپي سەرۆيس» كومپانياسى جۇرگىزەدى. تاپسىرىس بەرۋشى - «كەرۋەن لوگيستيك» ج ش س، - دەلىنگەن حابارلامادا.

كومپانيا وكىلى نىسانبەك جالعاسوۆتىڭ ايتۋىنشا، مۇناي-گاز كەن ورنىن بارلاۋعا رۇقسات 2022-جىلى الىنعان. ال ۇڭعىمانى بۇرعىلاۋ جۇمىستارى 2026-جىلعى قىركۇيەكتىڭ باسىندا باستالعان.

قازىر ماماندار 1 مىڭ مەتردەن استام تەرەڭدىككە جەتتى. بۇرعىلاۋ جۇمىستارى جالعاسىپ جاتىر.

بارلاۋ ناتيجەسىندە مۇناي قورى انىقتالعان جاعدايدا، اۋماقتا جاڭا ءوندىرىس ورنىن اشۋ مۇمكىندىگى قاراستىرىلادى.

بۇعان دەيىن، ماڭعىستاۋدا جەتىباي اۋىلىندا 9 مىڭ توننا مۇناي قالدىعى توگىلگەن اۋماق قاراۋسىز قالدى.