ماڭعىستاۋ وبلىسىندا ەر ادام كاۋاپ سۇيەگىنە قاقالىپ كوز جۇمدى
استانا. قازاقپارات - مامىر مەرەكەلەرىندەگى تابيعات اياسىنداعى دەمالىس ماڭعىستاۋ وبلىسىندا قايعىلى جاعدايمەن اياقتالدى.
56 جاستاعى ەر ادام كاۋاپتىڭ سۇيەگىنە قاقالىپ، وقيعا ورنىندا كوز جۇمدى، دەپ حابارلايدى «24KZ». وقيعا جارمىش اۋىلىندا بولعان. الدىن الا مالىمەت بويىنشا، مارقۇم اقتاۋ قالاسىنداعى مەكتەپتەردىڭ بىرىندە تەحنيكالىق قىزمەتكەر بولىپ جۇمىس ىستەگەن. ول ارىپتەستەرىمەن بىرگە تابيعات اياسىندا دەمالىپ جۇرگەن. قايعىلى جاعداي داستارقان باسىندا بولعان. ەر ادام تاماقتانىپ وتىرعان كەزدە تاماعىنا سۇيەك تۇرىپ قالعان. قاسىنداعىلار العاشقى كومەك كورسەتۋگە تىرىسقانىمەن، ونى امان الىپ قالۋ مۇمكىن بولماعان. ماڭعىستاۋ وبلىستىق پوليتسيا دەپارتامەنتىنىڭ باسپا ءسوز حاتشىسى ايگەرىم يباتۋللايەۆانىڭ ايتۋىنشا، اتالعان دەرەك «001 ادامنىڭ ءولىمى» ساناتىمەن تىركەلىپ، تەكسەرۋ جۇرگىزىلىپ جاتىر.
