اۋعانستانداعى جەر سىلكىنىسى: 120 دان استام ادام مەرت بولىپ، مىڭنان استامى جاراقات الدى

 اۋعانستاننىڭ باتىسىندا قۋاتتى جەر سىلكىنىسى بولدى. ءزىلزالا قۇرباندارىنىڭ سانى ءوسۋى مۇمكىن، كوپ ادام قيراندىلار استىندا جاتىر، دەپ حابارلايدى قازاقپارات Euronews اگەنتتىگىنە سىلتەمە جاساپ. 

جەرگىلىكتى بيلىكتىڭ حابارلاۋىنشا، اۋعانستاننىڭ باتىسىنداعى گەرات پروۆينسياسىندا جەر سىلكىنىپ، كەمىندە 120 ادام مەرت بولعان، مىڭنان استام ادام جاراقات العان.

قۇربان بولعاندار مەن جاراقات العاندار سانى ءوسۋى مۇمكىن. ويتكەنى كوپ ادام ءالى قيراندىلار استىندا جاتىر.

ءزىلزالادان اسىرەسە زەندا دجان اۋدانىنداعى 4 اۋىل قاتتى زارداپ شەكتى، وندا ونداعان ۇيگە زاقىم كەلگەن.

ا ق ش گەولوگيالىق قىزمەتىنىڭ مالىمەتتەرى بويىنشا، سەنبى كۇنى وسى اۋداندا 6.3 ماگنيتۋدالى ءدۇمپۋ بولعان. ءزىلزالانىڭ وشاعى گەرات قالاسىنان سولتۇستىك- باتىسقا قاراي 40 ك م قاشىقتىقتا جاتىر.