ابزال شىناسىل: سوتتالۋشىلاردىڭ بىرەۋى شەرزاتقا پىشاق سالدى

تالدىقورعان. KAZINFORM - جەتىسۋ وبلىسىنىڭ مامانداندىرىلعان اۋدانارالىق سوتىندا شەرزات پولاتتىڭ ولىمىنە قاتىستى قىلمىستىق ءىس قارالىپ جاتىر.

سوت بارىسىندا ايىپتالۋشى ابزال شىناسىل سۇراقتارعا بەرگەن جاۋابىندا توبەلەستى كىم باستاعانىن بىلمەيتىنىن ايتتى.

- بەينەجازبادان عانا شەرزاتتىڭ نۇرقياستى ۇرعانىن كوردىم. شەرزاتقا كىم پىشاق سالعانىن ناقتى بىلمەيمىن، پىشاقتاعان ادام بەلعوجايەۆ ەمەس دەدى، - ول.

سونىمەن قاتار، شەرزاتتىڭ پىشاقتالۋى مەن كەلمەي تۇرىپ بولعان سياقتى دەپ اتاپ ءوتتى.

شىناسىل سوت وتىرىسىندا «حۋتور» دەپ اتالىپ كەتكەن قىلمىستىق توپقا دا قاتىستى پىكىر ءبىلدىردى. ونىڭ ايتۋىنشا، بۇل توپقا ەش قاتىسى جوق.

- ب ا ق ءبىزدى «بانديت»، «حۋتورسكي» دەپ جاۋىز ەتىپ كورسەتتى. ءبىز قاراپايىم اۋىلدىڭ بالالارىمىز. «حۋتور» - اۋىلدىڭ ەسكى اتاۋى، قازىرگى اتاۋى - تۇرار رىسقۇلوۆ. نەگە ولاي جازىپ جاتقانىن تۇسىنبەيمىن، - دەدى سوتتالۋشى.

ايتا كەتەيىك، ابزال شىناسىل كىمدى پىشاقتاعانىن ايتتى.

شەرزات ىسىندەگى باستى ايىپتالۋشى وسىعان دەيىنگى سوزىنەن باس تارتقانى جايلى جازعان بولاتىنبىز.

ەسكە سالا كەتەيىك، شەرزات پولاتتىڭ ولىمىنە قاتىستى سوتتا تاعى ءبىر سوتتالۋشى ايىپتاۋ اكتىسىمەن كەلىسپەيتىنىن ايتقان.

تاعى ءبىر سوتتالۋشى نۇرقياس ءىلياسوۆ مىلتىقپەن ۇرۋ سەبەبىن تۇسىندىرسە، ازامات توقتاۋبايەۆ وتىرىك ايعاق بەرگەنىن راستادى.

كامەلەتكە تولماعان تاعى ءبىر ايىپتالۋشى دۋمان ىسقاق وزىنە تاعىلعان ايىپتى مويىندامادى.

ايتا كەتەيىك، شەرزات پولاتتىڭ ءولىمى بويىنشا العاشقى سوت وتىرىسىندا پروكۋرور وقيعانىڭ تولىق حرونولوگياسىن باياندادى.

بىلتىر 4-قازان كۇنى توبەلەستەن 16 جاستاعى جاس ءوسپىرىم قازا بولعانىن جازعان ەدىك.