08:46, 20 - جەلتوقسان 2024 | GMT +5
ابحازيا پارلامەنتىندەگى اتىس: ءبىر دەپۋتات قازا تاپتى، ەكىنشىسى جارالاندى
استانا. KAZINFORM - ابحازيا پارلامەنتىندەگى جابىق وتىرىس كەزىندە اتىس بولدى، دەپ جازادى ت ا س س.
ابحازيا باس پروكۋراتۋراسىنىڭ الدىن الا مالىمەتى بويىنشا، دەپۋتات ادگۋر حارازيا وق اتقان.
ابحازيا باس پروكۋرورىنىڭ ورىنباسارى رۋسلان تىركبا جۋرناليستەرگە ابحازيانىڭ قۇقىق قورعاۋ ورگاندارى وق اتقان ادامدى تاۋىپ، ۇستاۋعا باعىتتالعان جەدەل ىزدەستىرۋ شارالارىن جۇرگىزىپ جاتقانىن ايتتى.
ول ەكونوميكالىق ساياسات كوميتەتىنىڭ وتىرىسى كەزىندە پارلامەنت عيماراتىندا اتىس بولعانىن ءتۇسىندىردى.
- كوميتەت وتىرىسىندا دەپۋتاتتار اراسىندا جانجال شىعىپ، كەيىن اتىس بولدى. اتىس سالدارىنان جارالانعان ەكى دەپۋتات اۋرۋحاناعا جەتكىزىلدى. ۆاحتانگ گولاندزيا جاراقاتتان قايتىس بولدى، ەكىنشىسى كان كۆارچي جاعدايىن تۇراقتاندىرۋ ءۇشىن كومەك الۋدا، - دەدى تىركبا.
