ابايدىڭ جيەنى بالتابەك ەرسالىموۆ ومىردەن ءوتتى

Балтабек Ерсалимов
فوتو: ق ر مادەنيەت جانە اقپارات مينيسترلىگى

سەمەي. KAZINFORM - بەلگىلى ولكەتانۋشى، جۋرناليست، فيلولوگ، حاكىم ابايدىڭ جيەنى بالتابەك ەرسالىموۆ ومىردەن ءوتتى. بۇل تۋرالى ق ر مادەنيەت جانە اقپارات مينيسترلىگى حابارلادى.

قازاقستاننىڭ ەڭبەك سىڭىرگەن قايراتكەرى، سەمەي قالاسىنىڭ جانە اباي وبلىسىنىڭ قۇرمەتتى ازاماتى بالتابەك ەرسالىموۆ 86 جاسىندا دۇنيەدەن ءوتتى. ق ر مادەنيەت جانە اقپارات مينيسترلىگى ولكەتانۋشىنىڭ وتباسى مەن تۋعان-تۋىستارىنا قايعىلارىنا ورتاقتاسىپ كوڭىل ايتادى.

بالتابەك ەرسالىموۆ 1938 -جىلى 28-اقپاندا قازىرگى اباي وبلىسى سەمەي قالاسىندا دۇنيەگە كەلگەن. قازاقستان جۋرناليستەر وداعىنىڭ مۇشەسى، «ەڭبەك ارداگەرى»، «تىڭعا 50 جىل» مەدالدارىنىڭ جانە «قۇرمەت» وردەندەرىنىڭ يەگەرى.

اباي قۇنانباي ۇلى، شاكارىم قۇدايبەردى ۇلى، مۇحتار اۋەزوۆ شىعارمالارىن ناسيحاتتاۋعا بەلسەنە قاتىسقان. 1992 -جىلى «اباي» جۋرنالىنىڭ قايتا جاندانۋىنا زور ۇلەس قوستى. «ابايدىڭ اقىن شاكىرتتەرى» جيناعىنىڭ جاۋاپتى شىعارۋشىسى.

اۆتور
تالعاتجان مۇحامەتبەك ۇلى

سوڭعى جاڭالىقتار