ابايدىڭ 180 جىلدىعىن تويلاۋ باستالدى
استانا. قازاقپارات - «جيدەباي- ءبورىلى» مەملەكەتتىك مۋزەي- قورىعىندا «اباي الەمدىك ويدىڭ الىبى» جانە «اباي بەينەلەۋ ونەرىندە» اتتى كورمەلەر اشىلدى.

وندا اقىننىڭ 1909 - جىلى سانكت- پەتەربۋرگتە باسىلعان شىعارمالارىنىڭ تۇڭعىش جيناعى، مۋزەي قورىنداعى قولجازبالار، مۋزىكالىق اسپاپتار جانە فوتوسۋرەتتەر كورەرمەن نازارىنا ۇسىنىلدى. ودان بولەك، مۋزەيدە 900 دەن اسا بەينەلەۋ ونەر تۋىندىسى ساقتاۋلى تۇر. ولار كەسكىندەمە، گرافيكا، كەستەلەۋ سەكىلدى تەحنيكامەن جاسالعان. بۇل تۋىندىلار بۇعان دەيىن كورمەگە قويىلماعان. سەبەبى، قورعا سوڭعى جىلدارى عانا اكەلىنگەن. اقىننىڭ 180 جىلدىعى اباي وبلىسىندا تويلانادى. جالپى سانى 500 گە جۋىق شارا ۇيىمداستىرىلادى.
نۇرسۇلۋ ساناقبەك قىزى، ەكسپوزيتسيا جانە كورمە ۇيىمداستىرۋ ءبولىمىنىڭ مەڭگەرۋشىسى:
- ابايدىڭ ءوزىنىڭ قولىمەن جازىلعان ماعاۋياعا جازعان حاتىنىڭ ءتۇپنۇسقاسى قويىلىپ وتىر، العاش رەت. ونى دا وسى كورمەدەن كورۋگە بولادى. سونىمەن قاتار ابايدىڭ ەلىندە ەرەكشە كەڭ تانىلعان ءۇش ىشەكتى دومبىرا، كەزىندە الماعامبەتتەر، يسرايلدار شاكىر ابەنوۆتەرن ويناعان دومبىرادا كورسەتىلەدى. ابايدىڭ كوزىن كورگەن سول اۋىلدىڭ كونەكوز قاريالاردىڭ جازعان قولجازبالارىن دا كورۋگە بولادى.
https://24.kz