اباي وبلىسىنىڭ تۇرعىنى قىتايدان تاۋار الدىرامىن دەپ الاياقتىڭ قۇربانى بولدى

В мошенничестве подозревают замначальника учреждения уголовно-исполнительной системы в СКО
Фото: Фото: Виктор Федюнин / агентство Kazinform.

  اباي وبلىسىنىڭ تۇرعىنى قىتايدان تاۋار الدىرامىن دەپ الاياقتىڭ قۇربانى بولدى.

قىركۇيەك ايىنىڭ ورتاسىندا سەمەي قالاسىنىڭ پ ب ورتالىق پوليتسيا بولىمىنە 35 جاستاعى ەر ادام كەلىپ، 6- ماۋسىمدا WhatsApp مەسسەندجەرىن پايدالانىپ قىتايدان تاۋارعا تاپسىرىس بەرگەنىن ايتتى. الاياق ءوزىنىڭ دەرەكتەمەلەرىن جىبەرىپ، تاۋاردىڭ قۇنىن الدىن- الا تولەۋدى تالاپ ەتكەن. جابىرلەنۋشى الاياقتىڭ ايلا- امالدارىنا كۇدىكتەنبەي، ساتۋشىنىڭ تالاپتارىن ورىنداپ، بىردەن 1 ميلليون 500 مىڭ تەڭگەدەن استام قاراجات اۋداردى.

ەكىنشى اۋدارىمنان كەيىن تاۋاردى جەتكىزۋگە ۋادە بەرگەن ساتۋشى بايلانىسقا شىعۋدى توقتاتتى. ەر ادام الدانعانىن ءتۇسىنىپ، پوليتسياعا جۇگىندى.

جەدەل- ىزدەستىرۋ ءىس- شارالارىنىڭ ناتيجەسىندە ءتارتىپ ساقشىلارى سەمەي قالاسىنىڭ 35 جاستاعى جۇمىسسىز تۇرعىنى بولىپ شىققان كۇدىكتىنىڭ جەكە باسىن انىقتادى. جاۋاپ الۋ بارىسىندا كۇدىكتى اقشانى ءوز قاجەتتىلىكتەرىنە جۇمساعانىن ءتۇسىندىرىپ، كىناسىن مويىندادى.

"بۇل دەرەك قىلمىستىق كودەكستىڭ 190-بابى 1,2-بولىگى (الاياقتىق) بويىنشا سوتقا دەيىنگى تەرگەۋ جۇرگىزىلىپ جاتىر. پوليتسيا الاياقتىڭ باسقا قىلمىستارعا قاتىستىلىعىن تەكسەرىپ جاتىر"، - دەدى اباي وبلىسى پ د باستىعى بەكتورە سۇلتان.

Polisia.kz

سوڭعى جاڭالىقتار