اباي وبلىسىنداعى بەسقاراعاي اۋىلىندا «عاشىقتار» ساياباعى اشىلدى

 اباي وبلىسى بەسقاراعاي اۋدانىنىڭ ورتالىعىندا «عاشىقتار» ساياباعى اشىلدى، دەپ حابارلايدى Kazinform اگەنتتىگى.

وبلىس اكىمدىگىنىڭ مالىمەتىنە سۇيەنسەك، جاڭا ساياباق بەسقاراعاي اۋدانى بەسقاراعاي اۋىلىنداعى اۋەزوۆ كوشەسىنىڭ بويىندا ورنالاسقان.

«ساياباقتا اباتتاندىرۋ جۇمىستارى جۇرگىزىلدى، ونىڭ ىشىندە 440 شارشى مەتر جەرگە قورشاۋ ورناتىلدى. جاياۋ جۇرگىنشىلەر جولىنا تەرەك پەن 10 كوك شىرشا كوشەتى وتىرعىزىلدى»، - دەلىنگەن اقپاراتتا.

الاڭدا كوپىر مەن جۇرەك تۇرىندەگى شاعىن ارحيتەكتۋرالىق ءپىشىن، ورىندىقتار مەن قوقىس جاشىكتەرى ورناتىلعان. سونداي- اق ساياباق قۋاتى 150 ۆ ت بولاتىن 6 شاممەن جارىقتاندىرىلعان.

«عاشىقتار» ساياباعىنىڭ اشىلۋىندا جاستار نەكەسىن قيدى. ال ولارعا جەتىجار اۋىلىنىڭ قۇرمەتتى ازاماتتارى اق باتاسىن بەردى.

ايتا كەتەيىك، بىلتىر سەمەيدە اسپالى كوپىردىڭ استىندا دەمالىس ورنى پايدا بولعان ەدى. وندا سكەيت پارك، پاركۋر جانە ۆوركاۋت الاڭدارى بار.

كوپىراستى الاڭى بىرنەشە بولىككە بولىنگەن. ستريتبولعا ارنالعان سپورتتىق ايماق، فيتنەس ايماق جانە بالالار ويىن الاڭى. الاڭنىڭ جالپى اۋدانى - 3500 شارشى مەتر. ەرتىس جاعالاۋىنا جاقىن ماڭدا ءدامحانا پاۆيلوندارى جۇمىس ىستەيدى.