اباي وبلىسىندا جالعان پوليتسەيلەر ەر ادامنىڭ 925 مىڭ تەڭگەسىن شەشىپ العان
جارما. KAZINFORM - اباي وبلىسىندا ءتارتىپ ساقشىلارى جالعان پوليتسەيلەردى ۇستادى.
ءى ءى م مالىمەتىنشە، ۇستالعاندار ەر ادامدى الداپ، ونىڭ جەكە دەرەكتەرىن يەمدەنىپ، سودان كەيىن ونىڭ شوتىنان 925 مىڭ تەڭگە شەشىپ العان. جارما اۋدانىنىڭ تۇرعىنىن بەلگىسىز ادامدار توقتاتىپ، ولار ءتارتىپ ساقشىلارى بولىپ تانىسىپ، ودان جەكە باسىن كۋالاندىراتىن قۇجاتتاردى ۇسىنۋىن سۇراعان.
جابىرلەنۋشىنىڭ قۇجاتتارى مەن بيومەتريالىق دەرەكتەرىن سۋرەتكە تۇسىرگەننەن كەيىن كۇدىكتىلەر كەتىپ قالعان. ەر ادامنىڭ شوتىنان اقشا الىنعاننان كەيىن، ول جالعان پوليتسەيلەرگە تاپ بولعانىن ءتۇسىنىپ، «102» ارناسىنا جۇگىندى. اباي وبلىسى جارما اۋدانىنىڭ جەدەل ۋاكىلدەرى كۇدىكتىلەردىڭ ىزىنە جىلدام ءتۇسىپ، ولاردى ۇستادى.
بەلگىلى بولعانداي، الاياقتىقپەن ب ق و-نىڭ ءۇش تۇرعىنى اينالىسقان. قازىرگى ۋاقىتتا جاستار قاماۋعا الىندى. تەرگەۋ جۇرگىزىلىپ جاتىر. ولاردىڭ ۇقساس قىلمىستارعا قاتىسۋى انىقتالىپ جاتىر.
