اباي وبلىسىندا 46,5 ميلليون تەڭگەنىڭ بولشەكتەرىن ۇرلاعان كۇدىكتىلەر ۇستالدى

سەمەي. KAZINFORM - بيىلعى 24-قىركۇيەك پەن 19-قازان ارالىعىندا بەلگىسىز ادامدار ايلاكەرلىكپەن زاۋىتتىڭ قابىرعاسىن بۇزىپ، كاسىپورىن فيليالىنىڭ سۋىق قويماسىنا زاڭسىز كىرگەن.

ولار ارنايى تەحنيكالارعا ارنالعان قوسالقى بولشەكتەردى ۇرلاپ، جالپى قۇنى 46568488,41 تەڭگە شىعىن كەلتىرگەن.

- پوليتسيا قىزمەتكەرلەرىنىڭ جەدەل ارەكەت ەتۋىنىڭ ارقاسىندا كۇدىكتىلەر انىقتالدى. ولار الدىن الا كەلىسىپ ارەكەت ەتكەن ءۇش ەر ادام بولىپ شىقتى. بارلىعى ۇستالىپ، ۋاقىتشا ۇستاۋ يزولياتورىنا قامالدى. تەرگەۋ ءالى دە جالعاسۋدا، - دەلىنگەن Polisia.kz مالىمەتىندە.