اباي وبلىسىندا 1200 بالا تاريحي ورىندار مەن كورىكتى جەرلەرگە بارىپ، زەرتتەۋمەن اينالىسادى

سەمەي. KAZINFORM - اباي وبلىسىنداعى 1200 بالا جازعى كانيكۋل كەزىندە وڭىردەگى تاريحي ورىندار مەن كورىكتى جەرلەرگە بارىپ، زەرتتەۋمەن اينالىسپاق.

 Білім басқармасының басшысы Нұржан Ахметқалиев
Фото: Абай облысы әкімдігі

وبلىستىق ءبىلىم باسقارماسىنىڭ باسشىسى نۇرجان احمەتقاليەۆ بالالاردىڭ جازعى دەمالىسىن ۇيىمداستىرۋ بويىنشا قولعا الىنعان شارالار تۋرالى باياندادى. بالالاردىڭ قاۋىپسىزدىگىن قامتاماسىز ەتۋ ءۇشىن ساۋىقتىرۋ نىساندارىنا قويىلاتىن تالاپتار الگوريتمدەرى، بالالار مەن اتا- انالارعا ارنالعان جادىنامالار ازىرلەندى.

«اباي وبلىسىنىڭ 2024-2026 -جىلدارعا ارنالعان جازعى كانيكۋل كەزەڭىندە بالالاردىڭ ساۋىقتىرۋ دەمالىسىن، بوس ۋاقىتىن جانە جۇمىسپەن قامتىلۋىن ۇيىمداستىرۋ جونىندە باسقارمالارمەن جانە دەپارتامەنتتەرمەن كەلىسىلگەن ءىس- شارالار جوسپارى بەكىتىلگەن. بالالاردىڭ دەمالىسىن ۇيىمداستىرۋ بويىنشا ۆەدومستۆوارالىق وڭىرلىك شتاب پەن پوليتسيا، توتەنشە جاعدايلار، سانيتارلىق- ەپيدەميولوگيالىق باقىلاۋ دەپارتامەنتتەرى وكىلدەرىنەن قۇرالعان بالالاردىڭ دەمالىسىن ۇيىمداستىرۋعا مونيتورينگ جۇرگىزۋ بويىنشا ۆەدومستۆوارالىق كوميسسيا قۇرىلدى. جازعى دەمالىستا ءار بالانى ساۋىقتىرۋىمەن جانە دەمالىسىن ءتيىمدى وتكىزۋىن ۇيىمداستىرۋ ءۇشىن الدىن الا ءتىزىم جاساقتالدى»، - دەدى ول.

ءبىلىم بەرۋ ۇيىمدارى دەمالىستى ۇيىمداستىرۋ جونىندە ادىستەمەلىك ۇسىنىمدارمەن، ساۋىقتىرۋ لاگەرلەرىنىڭ جۇمىسى بويىنشا الگوريتمدەرمەن، بالالار مەن اتا- انالارعا ارنالعان جادىنامالارمەن جانە ق ر وقۋ- اعارتۋ مينيسترلىگىنىڭ 1-10 سىنىپ وقۋشىلارىنا ارنالعان «سەنىڭ قۋانىشقا تولى دەمالىسىڭ» Guidebook-ىمەن قامتاماسىز ەتىلدى.

سونداي- اق ءوڭىردىڭ 2024 -جىلعى جازعى كەزەڭىندە بالالاردىڭ دەمالىسىن، ساۋىقتىرىلۋىن جانە ۋاقىتىن ءتيىمدى وتكىزۋىن ۇيىمداستىرۋ تۇجىرىمداماسى ازىرلەنگەن.

«تاريحي- مادەني مۇرانى ساقتاۋ جانە بالالار ءتۋريزمىن دامىتۋ ءۇشىن «تروپا وتكرىتيي» جوباسى قولعا الىندى. جوبا اياسىندا 1200 بالانى قامتيتىن 80 ولكەتانۋ جاساعى قۇرىلدى. ولار ايماقتىڭ تاريحي ورىندارى مەن كورىكتى جەرلەرىنە بارۋعا مۇمكىندىك الادى، زەرتتەۋ جۇمىستارىمەن دە اينالىسادى. بالالارعا كاسىپتىك باعدار بەرۋ، تەحنيكالىق جانە اگرارلىق سالالارعا قىزىقتىرۋ ماقساتىندا «كوللەدجدەردەگى جازعى كاسىپتىك باعدارلاۋ لاگەرلەرى» جوباسى ىسكە اسىرىلاتىن بولادى. بيىل بۇل جوبا 9-10 سىنىپتاردىڭ 360 وقۋشىسىن قامتي وتىرىپ، بەيىنى بويىنشا 5 كوللەدجدە باستالادى»، - دەدى نۇرجان احمەتقاليەۆ.

ءبىلىم باسقارماسى شاكارىم اتىنداعى ۋنيۆەرسيتەتپەن بىرلەسىپ «JAS AKADEMIK-2024» جازعى مەكتەبىن ۇيىمداستىرۋ بويىنشا جۇمىستى جالعاستىرماق. وندا 130 دارىندى بالا تەوريالىق بىلىمدەرىن تەرەڭدەتە وتىرىپ، ءتۇرلى دەڭگەيدەگى وليمپيادالارعا دايىندالۋ مۇمكىندىگىنە يە بولادى. وقۋشىلار ەكسپەريمەنتتەر، زەرتحانالىق زەرتتەۋلەر، «پروفەسسورلىق ساعاتتار»، ترەنينگتەر مەن پراكتيكۋمدارعا قاتىسادى.

ايماق باسشىسى نۇرلان ۇرانحايەۆ اكىمدىك وتىرىسىندا ءبىلىم باسقارماسى، قالا، اۋدان اكىمدەرىمەن جانە قۇزىرلى مەملەكەتتىك ورگاندارمەن بىرلەسىپ جازعى كەزەڭدە بالالاردىڭ، سونىڭ ىشىندە الەۋمەتتىك وسال وتباسىلاردان شىققان بالالاردىڭ دەمالىسىن قولدانىستاعى زاڭناما نورمالارىنا سايكەس ۇيىمداستىرىلۋىن قامتاماسىز ءەتۋدى، دەمالىس لاگەرلەرىندەگى سانيتارلىق جانە باسقا دا قاۋىپسىزدىك شارالارىن ساقتاۋ جونىندە ءتيىستى شارالار قابىلداۋدى تاپسىردى.

سوڭعى جاڭالىقتار