اباي وبلىسىندا التىندى زاڭسىز وندىرگەندەر انىقتالدى

تەرگەۋ مالىمەتىنشە، توپ مۇشەلەرى جاڭعىزتوبە كەنتىنەن شامامەن 10 شاقىرىم جەردەگى اۋماقتا ءتيىستى قۇجاتتارسىز كەن وندىرگەن. ولار قۇرامىندا التىن بار تاۋ جىنىستارىن اشىق ادىسپەن قازىپ، ارنايى جابدىق ارقىلى شايعان.

وقيعا ورنى تەكسەرىلگەن كەزدە تەرەڭدىگى 15 مەترگە جەتەتىن كارەر تابىلدى. زاڭسىز قازىلعان تاۋ جىنىستارىنىڭ كولەمى 12 مىڭ تەكشە مەتردەن اسقان. بۇعان قوسا، 4 مىڭ شارشى مەتردەن استام اۋماقتاعى قۇنارلى توپىراق قاباتى بۇلىنگەن.

جەدەل ىزدەستىرۋ جۇمىستارىنىڭ ناتيجەسىندە زاڭسىز كاسىپكە قاتىسى بولۋى مۇمكىن توعىز ادام انىقتالدى.

وقيعا ورنىنان:

كەندى شايۋعا جانە ۇساقتاۋعا ارنالعان جابدىقتار؛

قۇرامىندا التىن بار ماتەريال سالىنعان جەتى قاپ؛

ەكى مەتال ىزدەگىش؛

ەكى تيەگىش؛

ءبىر ەكسكاۆاتور تاركىلەندى.

قازىرگى ۋاقىتتا تەرگەۋ جالعاسىپ جاتىر. قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريالانبايدى.