#Abai175: تاتارستاننىڭ باستى تەلەارناسى ەستافەتانى تۇمەنگە جولدادى
ەستافەتانى «تاتار-ينفورم» اقپارات اگەنتتىگىنەن قابىل العان «ت ن ۆ» ارناسىنىڭ ۇجىمى كەزەكتى تۇمەندەگى ارىپتەستەرىنە جولدادى.
«جاڭا عاسىر» تەلەارناسىنىڭ ۇجىمى قازاق حالقىنىڭ اقىنى ابايعا ارنالعان #اbai175 فلەشموبىنا قوسىلدى. بۇل فلەشموبقا ەستافەتانى بىزگە «تاتار-ينفورم» اقپارات اگەنتتىگى تاپسىردى. ارىپتەستەرىمىزگە، وسى ءۇشىن العىس ايتامىز. ءبىز فلەشموبتى رەسەي بويىنشا جالعاستىرامىز جانە قيىرداعى تۇمەندىك ارىپتەسىمىز سوفيا حايرۋلليناعا جولدايمىز»، - دەلىنگەن تەلەارنانىڭ Instagram-داعى پاراقشاسىندا.
«ت ن ۆ» - تاتار جانە ورىس تىلدەرىندە 22 ساعات بويى حابار تاراتاتىن تاتارستاننىڭ باستى ۇلتتىق ارناسى. ارنانىڭ كونتەنتى رەسەيدەن بولەك فينليانديا، لاتۆيا، ليتۆا، رۋمىنيا، بولگاريا، بەلارۋس، ۋكراينا سياقتى بىرنەشە ەلدىڭ اۋماعىندا بەس بىردەي جەرسەرىك جۇيەسى ارقىلى تارايدى.
ايتا كەتسەك، #Abai175 چەلەندجى قازاقستاننان تاتارستان اۋماعىنا «قازاقپارات» حالىقارالىق اگەنتتىگى مەن «تاتار-ينفورم» اقپارات اگەنتتىگى ارقىلى تاراعان بولاتىن.
ەسكە سالا كەتسەك، ق ر پرەزيدەنتى قاسىم-جومارت توقايەۆ ابايدىڭ 175 جىلدىعىنا ارنالعان 9 جاسار مەكتەپ وقۋشىسىنىڭ ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى.