ابۋ-دابيدە رەسەي، ا ق ش جانە ۋكراينا اراسىنداعى ءۇشجاقتى كەلىسسوز باستالدى
استانا. KAZINFORM –ب ا ءا استاناسىنداعى كەزدەسۋ باسپا ءسوز ءۇشىن جابىق فورماتتا ءوتىپ جاتىر، دەپ حابارلايدى Kazinform ت ا س س اگەنتتىگىنە سىلتەمە جاساپ.
رەسەي دەلەگاتسياسىن پرەزيدەنتتىڭ كومەكشىسى ۆلاديمير مەدينسكي، ال ۋكراينا دەلەگاتسياسىن سىرتقى بارلاۋ قىزمەتىنىڭ باسشىسى رۋستەم ۋمەروۆ باستاپ باردى.
سونداي-اق ءۇشجاقتى كەلىسسوزگە ا ق ش پرەزيدەنتىنىڭ ارنايى وكىلدەرى ستيۆ ۋيتكوفف پەن دجارەد كۋشنەر دە قاتىسىپ جاتىر.
ءۇش ەلدىڭ كەلىسسوز وكىلدەرى بۇعان دەيىن 18-اقپاندا جەنيەۆادا باس قوسقان ەدى.
رەسەي پرەزيدەنتىنىڭ باسپا ءسوز حاتشىسى دميتري پەسكوۆتىڭ مالىمدەۋىنشە، ابۋ-دابيدەگى بۇل جولعى كەلىسسوزدە قاۋىپسىزدىك كەپىلدىكتەرى تالقىلانادى.
ال ا ق ش- تىڭ ارنايى وكىلى ابۋ-دابيدە وتەتىن كەلىسسوزدەردىڭ جاڭا كەزەڭى رەسەي، ۋكراينا جانە ەۋروپا اراسىنداعى قاۋىپسىزدىكتىڭ جاڭا جۇيەسىن قالىپتاستىرۋعا جول اشادى دەگەن ءۇمىت ءبىلدىردى.
ەسكە سالا كەتەيىك، بۇعان دەيىن رەسەي مەن ۋكراينا كەلىسسوزدەرىنە قاتىساتىن ەۋروپا دەلەگاتسياسىنىڭ قۇرامى بەلگىلى بولعانىن حابارلاعان ەدىك.
