اپاتتى جاعدايدا قونعان تىكۇشاقتىڭ ەكيپاجىمەن سويلەستىك - يراننىڭ ىشكى ىستەر ءمينيسترى
استانا. KAZINFORM - يران ىشكى ىستەر مينيسترلىگىنىڭ باسشىسى ازەربايجانمەن شەكارالاس ۆەرزەگان قالاسىنا جاقىن جەردە بولعان وقيعاعا قاتىستى پىكىر ءبىلدىردى. بۇل تۋرالى IRNA اگەنتتىگى جازدى.
استانا. KAZINFORM - يران ىشكى ىستەر مينيسترلىگىنىڭ باسشىسى ازەربايجانمەن شەكارالاس ۆەرزەگان قالاسىنا جاقىن جەردە بولعان وقيعاعا قاتىستى پىكىر ءبىلدىردى. بۇل تۋرالى IRNA اگەنتتىگى جازدى.
«اۋا رايىنىڭ قولايسىزدىعى مەن تۇمانعا بايلانىستى پرەزيدەنت مىنگەن تىكۇشاق اپاتتى جاعدايدا قونۋعا ءماجبۇر بولدى»، - دەدى يراننىڭ ىشكى ىستەر ءمينيسترى احماد ۆاحيدي IRIB مەملەكەتتىك تەلەارناسىنا بەرگەن سۇحباتىندا.
ونىڭ ايتۋىنشا، ازەربايجاننىڭ اراز وزەنىندەگى «حۋدافەرين» جانە «گيز گالاسى» گ ە س-ىن پايدالانۋعا بەرۋ راسىمىنە قاتىسقان پرەزيدەنت پەن ونىمەن بىرگە كەلگەن دەلەگاتسيا بىرنەشە تىكۇشاقپەن قايتىپ كەلە جاتقاندا، تىكۇشاقتاردىڭ ءبىرى اپاتتى جاعدايدا قونۋعا ءماجبۇر بولعان.
«بىرنەشە قۇتقارۋ توبى اتالعان ايماققا بەت الدى. تۇمان مەن اۋا رايىنىڭ قولايسىزدىعىنا بايلانىستى وقيعا ورنىنا جەتۋ ءۇشىن ءبىراز ۋاقىت كەتۋى مۇمكىن. جاعداي تولىق باقىلاۋدا. ءبىز ەكيپاجعا حابارلاستىق. قۇتقارۋ توپتارى وقيعا ورنىنا ەرتەرەك جەتىپ، بىزگە قوسىمشا اقپارات بەرەدى دەپ ۇمىتتەنەمىز»، - دەدى احماد ۆاحيدي.
ەسكە سالساق، بۇعان دەيىن يران پرەزيدەنتى مىنگەن تىكۇشاق اپاتتى جاعدايدا قونعانىن جازعان بولاتىنبىز.
اۆتور
ابىلايحان جۇماشەۆ
