اپاتقا ۇشىراعان ۇشاقتىڭ قارا جاشىگى تابىلدى - كولىك پروكۋراتۋراسى

استانا. KAZINFORM - بۇل تۋرالى كولىك پروكۋراتۋراسىنىڭ وكىلى حابارلاعان.

اقتاۋ ماڭىنداعى قايعىلى وقيعا سالدارىنان 38 ادام قازا تاپتى، ونىڭ ىشىندە التاۋى - قازاقستان ازاماتتارى. ءتىرى قالعاندار سانى - 29 ادام.

ايتا كەتەيىك، تاڭەرتەڭ اقتاۋ قالاسىنىڭ ماڭىندا ازەربايجان استاناسى باكۋدەن گروزنىيعا باعىت العان ۇشاق اپاتقا ۇشىرادى. ۇشاق بورتىندا 69 ادام بولعان. ولاردىڭ اراسىندا قازاقستاندىقتار دا بار. قازىر ادامداردى قۇتقارۋ-ىزدەستىرۋ جۇمىستارى جالعاسىپ جاتىر.

ەلىمىزدىڭ توتەنشە جاعدايلار مينيسترلىگى ۇسىنعان سوڭعى مالىمەتكە سايكەس، اپاتتان امان قالعان 29 زارداپ شەككەن جان اۋرۋحاناعا جەتكىزىلدى، ونىڭ ىشىندە 2 بالا بار.

قايعىلى جايتتان كەيىن ازەربايجاندا 26-جەلتوقسان ازا تۇتۋ كۇنى بولىپ جاريالاندى.

مەملەكەت باسشىسى قاسىم-جومارت توقايەۆ ۇشاق اپاتىنان زارداپ شەككەن ازاماتتارعا كومەك كورسەتۋدى ەرەكشە باقىلاۋدا ۇستاۋدى تاپسىردى.

پرەزيدەنت تاپسىرماسىنا سايكەس ۇكىمەت كوميسسياسى اقتاۋداعى ۇشاق اپاتى ورنىندا جۇمىسىن باستادى.

اۆتور

ايجان سەرىكجان قىزى