10:25, 26 - جەلتوقسان 2024 | GMT +5
اپاتقا ۇشىراعان اۋە كەمەسىنىڭ كاپيتانى مەن ۇشقىش كىم؟
اۋە كەمەسىنىڭ كاپيتانى - يگور كشنياكين. رەسەي ازاماتى. ول كوپ جىلدىق تاجىريبەسى بار مامان، اۋەدە 15 مىڭ ساعاتتان استام ۇشقان. ونىڭ ىشىندە 11200 ساعات - كاپيتان لاۋازىمىندا.
رەسەي ب ا ق- نىڭ مالىمەتى بويىنشا كوماندير اۋەدەگى جاعدايعا بايلانىستى اقتاۋداعى قوسالقى ايلاققا بارۋعا شەشىم قابىلداعان. ال ۇشاقتى تىزگىندەگەن ۇشقىش - الەكساندر كاليانينوۆ. ول باكۋ ەۋروپالىق ليتسەيىنىڭ تۇلەگى. ازەربايجان ب ا ق- نىڭ حابارلاۋىنشا جاس ۇشقىش قىزمەت بارىسىندا ونداعان ادامنىڭ ءومىرىن ساقتاپ قالعان. كاليانينوۆ ليتسەيدە ءبىلىم الۋ كەزىندە ۇزدىك ستۋدەنتتەردىڭ ءبىرى بولعان. قايعىلى وقيعادان كەيىن ول تۇلەپ ۇشقان ليتسەي كاليانينوۆتىڭ وتباسى مەن جاقىندارىنا كوڭىل ايتۋ حاتىن جولدادى. وندا «ۇشاق داۋسىن ەستىگەن سايىن الەكساندردى ەسكە الامىز» دەلىنگەن.
24.kz
