ادام، ونىڭ ءال اۋقاتى جانە وڭىرلەردى دامىتۋ ماسەلەلەرى پرەزيدەنتتىڭ باستى نازارىندا - ايبەك دادەباي
استانا. KAZINFORM - بۇگىن قۇرىلتاي وتىرىسىندا ءتوراعا ايبەك دادەباي پرەزيدەنت جولداۋىنىڭ ماڭىزى جونىندە مالىمدەمە جاسادى.
ونىڭ سوزىنشە، مەملەكەت باسشىسىنىڭ جولداۋى - ەلىمىزدىڭ جاڭا جاعدايداعى الداعى ناقتى ناقتى دامۋ باعدارىن ايقىندايتىن باعدارلامالىق قۇجات.
- بۇل - كونستيتۋتسيا قابىلدانىپ، بۇكىل ساياسي جۇيە جاڭعىرتىلعاننان كەيىنگى العاشقى جولداۋ. ەندى مەملەكەت باسشىسى جاڭا ساياسي ينستيتۋتتاردىڭ الدىنا ناقتى مىندەتتەر قويىپ وتىر، ياعني - جۇرگىزىپ جاتقان رەفورمالاردى ناقتى مازمۇنمەن بايىتىپ، ولاردىڭ جۇزەگە اسىرىلۋىن قامتاماسىز ەتۋ. وسى ورايدا، قۇرىلتاي دەپۋتاتتارىنا دا زور ءۇمىت ارتىپ وتىر، - دەدى ايبەك دادەباي.
سونىمەن قاتار، پرەزيدەنتىمىزدىڭ باستى نازارىندا ءاردايىم ادام، ونىڭ ءال اۋقاتى جانە وڭىرلەردى دامىتۋ ماسەلەلەرى تۇرعانىن اتاپ ءوتتى.
- ءاربىر قازاقستاندىق جولداۋدان ءوزى ءۇشىن ماڭىزدى شەشىمدەردى تابا الادى. ەڭ باستىسى، جولداۋ ەلىمىز بەن ازاماتتاردىڭ يگىلىگى جولىندا بارلىق مەملەكەتتىك جانە قوعامدىق قۇرىلىمداردىڭ جۇيەلى ءارى قارقىندى جۇمىس ىستەۋىنە تىڭ سەرپىن بەرەدى. پرەزيدەنت ۇزاق ۋاقىت بويى ءتيىستى شەشىمىن تاپپاي كەلگەن تۇيتكىلدى ماسەلەلەرگە تاعى دا ناقتى جاۋاپ بەردى. ولار ەلىمىزدىڭ الداعى ۇزاق جىلعا ارنالعان تابىستى ءارى ورنىقتى دامۋىنىڭ بەرىك نەگىزىن قالادى، - دەدى قۇرىلتاي ءتوراعاسى.
ودان بولەك، دەپۋتاتتىق كورپۋس مەملەكەت باسشىسىنىڭ ساپالى ءارى ۋاقىتىلى ورىندالۋى ءۇشىن بارلىق كۇش جىگەرىن جۇمسايتىنىن اتاپ ءوتتى.
ايتا كەتەيىك، بۇعان دەيىن قۇرىلتاي وتىرىسىندا دەپۋتاتتار «2014 -جىلعى 29-مامىرداعى ەۋرازيالىق ەكونوميكالىق وداق تۋرالى شارتقا وزگەرىستەر ەنگىزۋ جونىندە حاتتامانى راتيفيكاتسيالاۋ تۋرالى» زاڭ جوباسىن ەكى وقىلىمدا قاراپ، قابىلداعانىن جازعانبىز.
