اۋا رايىنىڭ قولايسىزدىعىنا بايلانىستى رەيستەر توقتاتىلدى
استانا. KAZINFORM - فرانكفۋرت اۋەجايى قار مەن قار ارالاس جاڭبىرعا بايلانىستى 120 رەيستى توقتاتتى، دەپ حابارلايدى Bild.
گەرمانيا اۋەجايلارىندا اۋا رايىنا بايلانىستى رەيستەر توقتاتىلدى. اسىرەسە فرانكفۋرت اۋەجايى زارداپ شەكتى.
5-جەلتوقسانعا جوسپارلانعان 1090 ۇشۋ-قونۋدىڭ 120 سى توقتاتىلدى، دەپ حابارلادى اۋەجاي وپەراتورىنىڭ وكىلى. ۇشۋ-قونۋ جولاقتارىن قار باسقاندىقتان كورۋ مۇمكىندىگى شەكتەلدى.
سونىمەن قاتار اۋا رايى جاعدايىنا بايلانىستى ۇشاقتاردى كوكتايعاققا قارسى سۇيىقتىقپەن وڭدەۋ پروتسەسى ۇزاعىراق ۋاقىت الادى. جولاۋشىلاردان رەيس تۋرالى اقپاراتتى تەكسەرىپ، اۋەجايعا قوسىمشا جول ءجۇرۋ ۋاقىتىن الدىن الا جوسپارلاۋعا كەڭەس بەرىلدى.
بۇعان دەيىن قازاقستان، ازەربايجان، يزرايل، ب ا ءا جانە تۇركىمەنستاننىڭ اۋە كومپانيالارى رەسەي باعىتتارىنا رەيستەردى ۋاقىتشا توقتاتقان بولاتىن.
ايتا كەتەيىك، گەرمانياداعى جارمەڭكەدە ادامداردى كولىكپەن تاپتاعان كۇدىكتىنىڭ كىم ەكەنى بەلگىلى بولدى.
