اۋا رايىنا بايلانىستى ەلىمىزدىڭ بارلىق وڭىرىندە ەسكەرتۋ جاريالاندى

 سينوپتيكتەر اۋا رايىنا بايلانىستى ەلىمىزدىڭ بارلىق ايماعىندا ەسكەرتۋ جاريالادى، دەپ حابارلايدى Kazinform. 

قازگيدرومەت سينوپتيكتەرىنىڭ بولجامى بويىنشا، 31-قازاندا استانادا تۇمان، كوكتايعاق بولادى.

الماتىدا كۇندىز كەي ۋاقىتتا قاتتى جاڭبىر جاۋادى. وڭتۇستىك- شىعىستان سوعاتىن جەل سولتۇستىك- باتىس باعىتقا اۋىسىپ، كۇندىز ەكپىنى 15 م/س دەيىن جەتەدى.

شىمكەنتتە تاڭەرتەڭ جانە كۇندىز قاتتى جاڭبىر جاۋادى. وڭتۇستىك- باتىستان سوعاتىن جەل سولتۇستىك- باتىسقا باعىتقا اۋىسىپ، جەل ەكپىنى 15-20 م/س بولادى.

كۇندىز اباي وبلىسىنىڭ شىعىسىندا جانە وڭتۇستىگىندە قاتتى جاۋىن- شاشىن (كوبىنەسە جاڭبىر) جاۋادى. وبلىستىڭ سولتۇستىگى مەن شىعىسىندا تۇمان ءتۇسىپ، كوكتايعاق بولادى. وڭتۇستىك- باتىستان، باتىستان جەل سوعادى، وبلىستىڭ شىعىسىندا، وڭتۇستىگىندە جانە ورتالىعىندا 15-20 م/س، كۇندىز ەكپىنى 23-28 م/س دەيىن جەتەدى.

اقمولا وبلىسىنىڭ باتىسىندا، سولتۇستىگىندە جانە وڭتۇستىگىندە كوكتايعاق بولادى. وبلىستىڭ باتىسىندا، وڭتۇستىگىندە جانە شىعىسىندا تۇمان تۇسەدى. وبلىستىڭ باتىسىندا، وڭتۇستىگىندە، شىعىسىندا باتىستان سوعاتىن جەل ەكپىنى 15-20 م/س دەيىن جەتەدى.

تۇندە اقتوبە وبلىسىنىڭ سولتۇستىگىندە كوكتايعاق بولادى. سولتۇستىك- باتىستان جەل سوعىپ، سولتۇستىكتە جانە شىعىستا باعىتى وڭتۇستىك- باتىسقا اۋىسادى، ەكپىنى 15-20 م/س.

تاڭەرتەڭ جانە كۇندىز الماتى وبلىسىنىڭ وڭتۇستىگىندە كەي جەرلەردە قاتتى جاڭبىر، وبلىستىڭ تاۋلى اۋداندارىندا كەي جەرلەردە قاتتى جاۋىن- شاشىن (جاڭبىر، قار) بولادى دەپ بولجانىپ وتىر. كۇندىز وڭتۇستىكتە، وبلىستىڭ تاۋلى ايماقتارىندا كەي جەرلەردە تۇمان تۇسەدى. جەل وڭتۇستىك- شىعىستان سولتۇستىك- باتىسقا اۋىسادى. وبلىستىڭ باسىم بولىگىندە جەل بولادى. ەكپىنى 17-22 م/س، كۇندىز وڭتۇستىكتە، وبلىستىڭ تاۋلى اۋداندارىندا كەي جەرلەردە 24-29 م/س دەيىن جەتەدى.

شىعىس قازاقستان وبلىسىنىڭ سولتۇستىگى مەن شىعىسىندا قاتتى جاۋىن- شاشىن (جاڭبىر، قار) جاۋادى. وبلىستىڭ سولتۇستىگى مەن شىعىسىندا تۇمان ءتۇسىپ، كوكتايعاق بولادى.

تاڭەرتەڭ جانە كۇندىز جەتىسۋ وبلىسىنىڭ ورتالىعىندا قاتتى جاڭبىر، وبلىستىڭ تاۋلى اۋداندارىندا جاۋىن- شاشىن (جاڭبىر، قار) جاۋادى. كۇندىز وبلىستىڭ تاۋلى ايماقتارىندا تۇمان تۇسەدى. كۇندىز وبلىس ورتالىعىندا، شىعىسىندا، باتىسىندا وڭتۇستىك- باتىستان سوعاتىن جەلدىڭ ەكپىنى 15-20, كەي ۋاقىتتا 23-28 م/س دەيىن جەتەدى.

باتىس قازاقستان وبلىسىندا باتىستان، وڭتۇستىك- باتىستان جەل سوعادى، كۇندىز وبلىستىڭ سولتۇستىك- شىعىس، شىعىس بولىگىندە جەل ەكپىنى 15-20 م/س دەيىن كۇشەيەدى.

قاراعاندى وبلىسىندا تۇندە كەي كەزدەرى قاتتى جاۋىن- شاشىن (جاڭبىر، قار) جاۋادى. وبلىستىڭ سولتۇستىگى مەن شىعىسىندا تۇمان ءتۇسىپ، كوكتايعاق بولادى. وڭتۇستىك- باتىستان جەل سوعادى، ايماقتىڭ سولتۇستىگى مەن شىعىسىندا باعىتى باتىسقا اۋىسادى. ەكپىنى - 15-20 م/س.

قوستاناي وبلىسىنىڭ سولتۇستىگى مەن باتىسىندا تۇمان تۇسەدى. وبلىستىڭ سولتۇستىگى مەن شىعىسىندا كوكتايعاق، بۇرقاسىن بولادى. سولتۇستىك- باتىستان جەل سوعادى، باتىستا، سولتۇستىكتن، شىعىستا ەكپىنى - 15-20 م/س.

قىزىلوردا وبلىسىندا سولتۇستىك- باتىستان، وبلىستىڭ شىعىسىندا كۇندىز باتىستان 15-20 م/س جىلدامدىقپەن جەل سوعادى.

تۇندە جانە تاڭەرتەڭ ماڭعىستاۋ وبلىسىنىڭ باسىم بولىگىندە تۇمان تۇسەدى.

پاۆلودار وبلىسىنىڭ سولتۇستىگىندە كوكتايعاق، تۇمان بولادى. باتىستان جەل سوعادى، كۇندىز وبلىستىڭ وڭتۇستىگىندە ەكپىنى 15-20 م/س دەيىن جەتەدى.

سولتۇستىك قازاقستان وبلىسىنىڭ باسىم بولىگىندە تۇندە جاۋىن- شاشىن (كوبىنەسە قار) جاۋادى. تۇندە باسىم بولىگىندە، كۇندىز وبلىستىڭ سولتۇستىگىندە، وڭتۇستىگىندە، شىعىسىندا كوكتايعاق بولادى. وبلىستىڭ وڭتۇستىگى مەن شىعىسىندا تۇمان تۇسەدى.

تۇركىستان وبلىسىنىڭ تاۋلى جانە تاۋ بوكتەرىندەگى اۋداندارىندا تاڭەرتەڭ جانە كۇندىز قاتتى جاڭبىر جاۋادى. وبلىستىڭ تاۋلى ايماقتارىندا تۇمان تۇسەدى. وڭتۇستىك- باتىستان سوعاتىن جەل سولتۇستىكتە، باتىستا سولتۇستىك- باتىسقا اۋىسادى، وبلىستىڭ تاۋلى جانە تاۋ بوكتەرىندەگى اۋداندارىندا 15-20 م/س، ەكپىنى 23 م/س دەيىن جەتەدى.

ۇلىتاۋ وبلىسىنىڭ سولتۇستىگىندە، شىعىسىندا تۇمان، كوكتايعاق بولادى. وبلىستىڭ سولتۇستىگى مەن شىعىسىندا باتىستان جەل سوعىپ، ەكپىنى 15-20 م/س دەيىن جەتەدى.