اۋا رايىنا بايلانىستى ەكى وبلىستا جول جابىلدى

استانا. KAZINFORM - قازاۆتوجول اۋا رايىنا بايلانىستى ەكى وبلىستا كولىك قوزعالىسىنا شەكتەۋ قويىلعانىن حابارلادى.

اقتوبە وبلىسى:

2025 -جىلعى 6-ناۋرىز ساعات 00:00 دە اۋا رايىنىڭ قولايسىزدىعىنا بايلانىستى «ر ف شەكاراسى - مارتوك - اقتوبە - قارابۇتاق - قىزىلوردا - شىمكەنت - تاراز - قورداي - الماتى - قورعاس - ق ح ر شەكاراسى» اۆتوجولىنىڭ 965-1240 شاقىرىم ارالىعىندا (قارابۇتاق اۋىلىنان قىزىلوردا وبلىسىنىڭ شەكاراسىنا دەيىن) كولىكتىڭ بارلىق ءتۇرىنىڭ قوزعالىسىنا شەكتەۋ قويىلادى.

جولدى 6-ناۋرىز ساعات 08:00 دە اشۋ جوسپارلانعان.

قىزىلوردا وبلىسى:

6 -ناۋرىز ساعات 00:00 دە اقتوبە وبلىسىندا اۋا رايىنىڭ قولايسىزدىعىنا بايلانىستى «رف شەكاراسى - مارتوك - اقتوبە - قارابۇتاق - قىزىلوردا - شىمكەنت - تاراز - قورداي - الماتى - قورعاس - قحر شەكاراسى» اۆتوجولىنىڭ 1240-1362 شاقىرىم ارالىعىندا (اقتوبە وبلىسى شەكاراسىنان ارال قالاسىنا دەيىن) كولىكتىڭ بارلىق ءتۇرىنىڭ قوزعالىسىنا شەكتەۋ قويىلادى.

جولدى 6-ناۋرىز ساعات 08:00 دە اشۋ جوسپارلانعان.

17 وڭىردە اۋا رايىنا بايلانىستى ەسكەرتۋ جاريالانعانىن جازعان بولاتىنبىز.