اۋا رايى: ەلوردا مەن ەلىمىزدىڭ 11 وبلىسىندا ەسكەرتۋ جاريالاندى

استانا. KAZINFORM - استانا جانە ەلىمىزدىڭ 11 وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى «قازگيدرومەت» ر م ك.

وسىلايشا، استانا جانە الماتى وبلىسىندا تۇمان ءتۇسىپ، جەتىسۋ وبلىسىندا كەي كەزدە تۇمان بولادى.

باتىس قازاقستان جانە قىزىلوردا وبلىستارىندا كوكتايعاق بولىپ، اباي جانە شىعىس قازاقستان وبلىستارىندا جاۋىن-شاشىن (جاڭبىر، قار) جاۋىپ، كوكتايعاق بولادى.

اقمولا، قوستاناي جانە اقتوبە وبلىستارىندا جاياۋ بۇرقاسىن بولجانىپ وتىر، پاۆلودار وبلىسىندا جاۋىن-شاشىن (كوبىنە قار) جاۋىپ، ال وبلىستىڭ وڭتۇستىگىندە، شىعىسىندا - جاياۋ بۇرقاسىن، كوكتايعاق بولادى.

12- ناۋرىز كۇنى تاڭەرتەڭ جانە كۇندىز تۇركىستان وبلىسىنىڭ وڭتۇستىگىندە، تاۋلى جانە تاۋ بوكتەرىندەگى اۋدانداردا قاتتى جاڭبىر جاۋىپ، نايزاعاي جارقىلدايدى.