اۋا رايى 27-قازاندا كۇرت بۇزىلادى: جەلدىڭ ەكپىنى 28 م/س-قا جەتەدى
استانا. قازاقپارات - 27-قازاندا قازاقستاننىڭ 14 وبلىسىندا، سونداي-اق استانا، الماتى جانە شىمكەنت قالالارىندا داۋىلدى ەسكەرتۋ جاريالاندى. سينوپتيكتەر ۇسىك، قاتتى جەل، تۇمان، كوكتايعاق جانە شاڭدى داۋىل بولاتىنىن بولجايدى. ءبىرقاتار وڭىردە ءورت شىعۋ قاۋپى جوعارى جانە توتەنشە دەڭگەيدە ساقتالادى. بۇل تۋرالى «قازگيدرومەت» حابارلادى.
تۇركىستان وبلىسى
تاۋلى جانە تاۋ بوكتەرىندەگى اۋدانداردا سولتۇستىك- شىعىستان سوعاتىن جەلدىڭ جىلدامدىعى سەكۋندىنا 15-20 مەترگە جەتەدى. تۇندە وبلىستىڭ سولتۇستىگى مەن باتىسىندا 3 گرادۋسقا دەيىن ۇسىك جۇرەدى.
وبلىستىڭ سولتۇستىگىندە، باتىسىندا، ورتالىعىندا جانە تاۋ بوكتەرىندەگى اۋدانداردا ءورت شىعۋ قاۋپى جوعارى. تۇركىستان قالاسىندا ءدا ورت قاۋپىنىڭ جوعارى دەڭگەيى ساقتالادى.
قىزىلوردا وبلىسى
كۇندىز وبلىستىڭ شىعىسى مەن ورتالىعىندا شاڭدى داۋىل تۇرادى. سولتۇستىك- شىعىستان سوعاتىن جەلدىڭ ەكپىنى سەكۋندىنا 15-20 مەترگە جەتەدى. تۇندە وبلىستىڭ سولتۇستىگى مەن ورتالىعىندا 3 گرادۋسقا دەيىن ۇسىك جۇرەدى.
ءوڭىردىڭ باسىم بولىگىندە ءورت شىعۋ قاۋپى توتەنشە دەڭگەيدە، ال سولتۇستىگىندە جوعارى دەڭگەيدە ساقتالادى. قىزىلوردا قالاسىندا دا شاڭدى داۋىل سوعىپ، جەلدىڭ ەكپىنى سەكۋندىنا 15- 20 مەترگە دەيىن جەتەدى.
سولتۇستىك قازاقستان وبلىسى
وبلىستىڭ باتىسىندا، سولتۇستىگىندە جانە وڭتۇستىگىندە تۇمان تۇسەدى. پەتروپاۆل قالاسىندا تۇندە جانە تاڭەرتەڭ كورىنۋ قاشىقتىعى ناشارلايدى.
پاۆلودار وبلىسى
تۇندە وبلىستىڭ باتىسى مەن وڭتۇستىگىندە جاڭبىر مەن قار تۇرىندە ازداعان جاۋىن- شاشىن ءتۇسىپ، كوكتايعاق بولادى. باتىسىندا، سولتۇستىگىندە جانە ورتالىعىندا تۇمان كۇتىلەدى. پاۆلودار قالاسىندا دا تۇمان تۇسەدى.
جەتىسۋ وبلىسى
تۇندە جانە تاڭەرتەڭ تاۋلى اۋدانداردا تۇمان بولادى. الاكول كولدەرى اۋدانىندا سولتۇستىك- شىعىستان سوعاتىن جەلدىڭ ەكپىنى سەكۋندىنا 15-20 مەترگە، كەي ۋاقىتتا 23-28 مەترگە دەيىن جەتەدى.
تۇندە وبلىستا 2-7 گرادۋس، ورتالىق بولىگىندە 11 گرادۋسقا دەيىن ۇسىك جۇرەدى. تالدىقورعان قالاسىندا اۋا تەمپەراتۋراسى تۇندە 9-11 گرادۋسقا دەيىن تومەندەيدى.
وبلىستىڭ شىعىسىندا ءورت شىعۋ قاۋپى توتەنشە دەڭگەيدە، وڭتۇستىگىندە جوعارى دەڭگەيدە ساقتالادى.
الماتى وبلىسى
تاۋلى اۋدانداردا سولتۇستىك- شىعىستان سوعاتىن جەلدىڭ ەكپىنى سەكۋندىنا 15- 20 مەترگە جەتەدى. تۇندە وبلىس اۋماعىندا 1-6 گرادۋس ۇسىك جۇرەدى.
ءوڭىردىڭ باتىسىندا، وڭتۇستىگىندە جانە شىعىسىندا ءورت شىعۋ قاۋپى جوعارى. قونايەۆ قالاسىندا تۇندە 2-4 گرادۋس ۇسىك كۇتىلەدى. قالادا ءورت قاۋپىنىڭ جوعارى دەڭگەيى دە ساقتالادى.
اقتوبە وبلىسى
تۇندە جانە تاڭەرتەڭ وبلىستىڭ سولتۇستىگىندە تۇمان تۇسەدى. شىعىسىندا ءورت شىعۋ قاۋپى جوعارى، ال باتىسىندا، وڭتۇستىگىندە جانە ورتالىعىندا توتەنشە دەڭگەيدە بولادى.
اتىراۋ وبلىسى
وبلىستىڭ بۇكىل اۋماعىندا ءورت شىعۋ قاۋپى توتەنشە دەڭگەيدە ساقتالادى. مۇنداي ەسكەرتۋ اتىراۋ قالاسىنا دا قاتىستى.
ماڭعىستاۋ وبلىسى
وبلىستىڭ ورتالىعىندا شىعىستان سوعاتىن جەلدىڭ ەكپىنى سەكۋندىنا 15- 20 مەترگە جەتەدى. وڭىردە ءورت شىعۋ قاۋپى جوعارى، ال ورتالىق اۋدانداردا توتەنشە دەڭگەيدە ساقتالادى. اقتاۋ قالاسىندا ءدا ورت قاۋپى جوعارى.
قاراعاندى وبلىسى
تۇندە جانە تاڭەرتەڭ وبلىستىڭ سولتۇستىگى مەن شىعىسىندا تۇمان تۇسەدى. باتىسىندا ءورت شىعۋ قاۋپى توتەنشە دەڭگەيدە ساقتالادى.
ۇلىتاۋ وبلىسى
وبلىستىڭ باتىسى مەن ورتالىعىندا ءورت شىعۋ قاۋپى توتەنشە دەڭگەيدە بولادى. مۇنداي ەسكەرتۋ جەزقازعان قالاسىندا دا جاريالاندى.
جامبىل وبلىسى
تاۋلى اۋدانداردا تۇمان ءتۇسىپ، سولتۇستىك- شىعىستان سوعاتىن جەلدىڭ جىلدامدىعى سەكۋندىنا 15-20 مەترگە جەتەدى. تۇندە وبلىس اۋماعىندا 3- 8 گرادۋس ۇسىك جۇرەدى.
تاراز قالاسىندا تۇندە 5-7 گرادۋس ۇسىك كۇتىلەدى. وبلىستىڭ سولتۇستىگىندە، وڭتۇستىگىندە جانە شىعىسىندا ءورت شىعۋ قاۋپى جوعارى دەڭگەيدە ساقتالادى.
اقمولا وبلىسى
تۇندە جانە تاڭەرتەڭ وبلىستىڭ سولتۇستىگىندە، شىعىسىندا جانە وڭتۇستىگىندە تۇمان تۇسەدى.
باتىس قازاقستان وبلىسى
وبلىستىڭ سولتۇستىك- باتىسىندا، باتىسىندا، وڭتۇستىگىندە جانە شىعىسىندا ءورت شىعۋ قاۋپى جوعارى دەڭگەيدە ساقتالادى.
استانا قالاسى
27-قازاندا تۇندە جانە تاڭەرتەڭ تۇمان تۇسەدى.
الماتى قالاسى
27-قازانعا قاراعان ءتۇنى اۋا تەمپەراتۋراسى 1-3 گرادۋسقا دەيىن تومەندەپ، ۇسىك جۇرەدى. قالادا ءورت شىعۋ قاۋپى جوعارى دەڭگەيدە ساقتالادى.
شىمكەنت قالاسى
27-قازاندا قالادا ءورت شىعۋ قاۋپى جوعارى دەڭگەيدە بولادى.
