ا ق ش- تا قۇلپىنايدان A گەپاتيتى تارادى
بۇل تۋرالى قازاقپاراتتىڭ مەنشىكتى ءتىلشىسى «Al Jazeera» تەلەكومپانياسىنا سىلتەمە جاساپ حابارلايدى. ا ق ش- تىڭ ازىق- تۇلىك پەن ءدارى- دارمەكتى باقىلاۋ باسقارماسى ۆيرۋس جۇقتىرعان جەمىستەردىڭ «FreshKampo» ساۋدا ماركاسىمەن بۇكىل ەل اۋماعىندا ساتىلعانىن ايتىپ وتىر. سالدارىنان « A « گەپاتيتىن جۇقتىرۋدىڭ 17 فاكىسى تىركەلىپ، 12 ادام اۋرۋحاناعا تۇسكەن. ال كانادادا 10 جاعداي تىركەلىپ وتىر. ونىڭ تورتەۋى البەرتەدە، التاۋى ساسكاچيەۆاندا تىركەلگەن. ا ق ش- تا تىركەلگەن جاعدايلاردىڭ كەمىندە 15 ءى كاليفورنيا شتاتىنا تيەسىلى. تاماق ونىمدەرى مەن ءدارى- دارمەكتىڭ ساپاسىن سانيتارلىق قاداعالۋ باسقارماسىنىڭ مالىمەتى بويىنشا، ۆيرۋس جۇقتىرعان قۇلپىناي Trader Joe's پەن Walmart سياقتى كەمىندە 9-ساۋدا جەلىسى ارقىلى ساتىلعان. كانادانىڭ قوعامدىق دەنساۋلىق ساقتاۋ اگەنتتىگى (PHAC) بۇل جەمىستەردىڭ 5-9 ناۋرىز ارالىعىندا ساتىلعانىن مالىمدەپ وتىر. ءقازىر ساتىلىمدا جوق.
«قۇلپىنايدى جاستاي ساتىپ الىپ، توڭازىتىپ ساقتاپ، كەيىن تۇتىنۋعا بولمايدى. جاس كۇيىندە جەلىنبەگەن قۇلپىنايدى سالقىن جەردە ساقتاعاننىڭ وزىندە جەمەي، تاستاۋ كەرەك»»، - دەيدى سانيتارلىق باقىلاۋ باسقارماسىنىڭ ماماندارى.
A گەپاتيتى - باۋىردى قابىندىراتىن جۇقپالى اۋرۋ. بۇل اۋرۋ سانيتارلىق جاعداي ناشار بولعان جەردە نەمەسە گيگيەنالىق تازالىق ساقتالماعان جاعدايدا تۋىندايدى. دۇنيەجۇزىلىك دەنساۋلىق ساقتاۋ ۇيىمىنىڭ باعالاۋى بويىنشا، 2016 -جىلى گەپاتيتتىڭ بۇل تۇرىنەن 7134 ادام كوز جۇمعان. گەپاتيتتىڭ وزگە تۇرلەرىنەن ءبىر ايىرماشىلىعى - سوزىلمالى اۋرۋلارعا سەبەپكەر بولمايدى. بۇعان دەيىن جازعانىمىزداي، الەمنىڭ 33 ەلىندە بالالارعا جەدەل جۇعاتىن بەلگىسىز گەپاتيت انىقتالىپ وتىر.
