قازاقستاندا A تۇماۋىنىڭ ۆيرۋسى تاراپ جاتىر - مينيستر

ءمينيستردىڭ ايتۋىنشا، سىرقاتتانۋشىلىقتىڭ ءوسۋى جىل سايىن قاڭتار جانە اقپان ايلارىندا تومەندەيدى.

«ەپيدەميالىق ماۋسىم باستالعانعا دەيىن 2,7 ميلليوننان استام ادام تۇماۋعا قارسى ۆاكسينا الدى، بۇل رەسپۋبليكا حالقىنىڭ 14 پايىزىن قۇرايدى. قازىرگى ۋاقىتتا رەسپۋبليكا بويىنشا A تۇماۋى ۆيرۋسى تارالىپ جاتىر. تۇماۋدىڭ 500-دەن استام جاعدايى انىقتالدى.

قاڭتاردىڭ ەكىنشى ونكۇندىگىنەن باستاپ تۇماۋ مەن ءجىتى رەسپيراتورلىق ۆيرۋستىق ينفەكسيالارمەن سىرقاتتانۋشىلىقتىڭ كۇرت ءوسۋى بايقالادى، 2019 -جىلدىڭ ەپيدەميولوگيالىق ماۋسىمىمەن سالىستىرعاندا اۋرۋشاڭدىق 1,2 ەسەگە ءوستى. سوڭعى اپتادا اۋرۋ جۇقتىرۋدىڭ جوعارى دەڭگەيى ساقتالدى، ال بالالار اراسىندا اۋرۋ جۇقتىرۋ 13 پايىزعا ءوستى»، - دەدى عينيات ۇكىمەت وتىرىسىندا.

ءمينيستردىڭ ايتۋىنشا، وفلاين وقىتۋ جاعدايىندا بالالار اراسىندا كوروناۆيرۋسپەن دە، ج ر ۆ ي- مەن دە سىرقاتتانۋشىلىقتىڭ جوعارىلاۋ قاۋپى بار.

«تۇماۋ مەن ج ر ۆ ي-دى الدىن الۋ شارالارى كوروناۆيرۋستىڭ الدىن الۋ شارالارىنا ۇقساس جانە ءدال سونداي وزەكتى: بۇل ماسكا رەجيمىن ساقتاۋ، ادامدار كوپ جينالاتىن ورىندارعا بارماۋ. ەگەر اۋرۋدىڭ بەلگىلەرى بولسا ۇيدە وتىرىپ، باسقالاردان وقشاۋلانىپ، دەر كەزىندە مەديتسينالىق كومەككە جۇگىنۋ قاجەت»، - دەپ قوستى مينيستر.

عينيات ج ر ۆ ي- مەن اۋىراتىنداردىڭ 50 پايىزعا جۋىعى بالالار ەكەنىن ايتتى. مينيستر اۋماقتاردىڭ اكىمدەرى تاربيە جانە ءبىلىم بەرۋ ۇيىمدارىندا پروفيلاكتيكالىق شارالاردىڭ ساقتالۋىنا جانە دەر كەزىندە مەديتسينالىق كومەك كورسەتۋگە نازار اۋدارۋى قاجەت دەپ سانايدى.