ا ە س قۇرىلىسىنا قاتىستىم ءتيىستى كونسۋلتاتسيالار باستالدى - الماسادام ساتقاليەۆ
استانا. KAZIFORM - ق ر ەنەرگەتيكا ءمينيسترى الماسادام ساتقاليەۆ ا ە س قۇرىلىسىنا قاتىستى تۇسىنىك بەردى
«ارنايى ۇكىمەتتىك كوميسسيا قۇرىلادى. بۇل كوميسسيا كونكۋرستىق پروتسەسكە قاتىساتىندارمەن اشىق كونكۋرستىق ديالوگتى باستايدى. قازىر الدىن الا كونسۋلتاتسيالار باستالىپ تا كەتتى. ق ح ر مەن وڭتۇستىك كورەيادا كەزدەسۋلەر بولدى. ءبىز الەۋەتتى ۆەندورلارعا ءتيىستى تالاپتاردى ايتىپ جاتىرمىز. وسى ورايدا ەلەكتر ەنەرگياسى مەن قۇرىلىستىڭ وزىندىك قۇنى، سونداي-اق نىساننىڭ قۇرىلىسىن ۋاقىتىلى اياقتاۋ كەپىلدىگى سياقتى ماسەلەلەر ەسكەرىلگەن. سونىمەن قاتار، قاۋىپسىزدىك ماسەلەلەرى، بۇكىل الەۋمەتتىك پاكەت، قارجىلاندىرۋمەن قامتاماسىز ەتۋ باعىتىندا دا جۇمىستار اتقارىلىپ جاتىر»، - دەدى ا. ساتقاليەۆ.
ونىڭ ايتۋىنشا، بۇل ديالوگ اياسىندا ۇكىمەتتىك كوميسسيا ءتيىستى ۇسىنىستاردى دايارلايدى. كەيىننەن وسى ۇىسىنىستار ق ر پرەزيدەنتى جانىنداعى ەنەرگەتيكالىق كەڭەستە قاراۋ ءۇشىن ۇكىمەت باسشىلىعى الدىندا تانىستىرىلادى.
«قارجى-ەكونوميكالىق بلوك بويىنشا، قۇقىقتىق ماسەلەلەر بويىنشا كەڭەسشىلەردى تارتۋ جوسپارلانعان. مۇنىمەن قوسا، تەحنيكالىق كەڭەسشى بولادى»، - دەدى مينيستر.
ايتا كەتەيىك، ورتالىق رەفەرەندۋم كوميسسياسى 6-قازاندا وتكەن رەسپۋبليكالىق رەفەرەندۋمنىڭ تۇپكىلىكتى قورىتىندىسىن جاريالادى.
وعان سايكەس، داۋىس بەرۋگە قاتىسقان ازاماتتاردىڭ 71,12 پايىزى نەمەسە 5561937 ادام قازاقستاندا اتوم ەلەكتر ستانساسىن سالۋ ماسەلەسىن قولدادى. ال قارسى داۋىس بەرگەندەر سانى - 2045271 ادام.
اۆتور
رۋسلان عابباسوۆ
