ا ە س قۇرىلىسىنا قاتىستى رەفەرەندۋم وتەتىن كۇن قاشان جاريالانادى

ەنەرگەتيكا ءمينيسترى الماسادام ساتقاليەۆ ا ە س قۇرىلىسىنا قاتىستى رەفەرەندۋم وتەتىن كۇن قاشان جاريالانۋى مۇمكىن ەكەنىن ايتتى، دەپ حابارلايدى Kazinform.

ونىڭ اتاپ وتۋىنشە، قازاقستاننىڭ اتوم ستانساسى كومپانياسىنىڭ، ۇلتتىق يادرولىق ورتالىقتىڭ، وزگە دە ينستيتۋتتاردىڭ وكىلدەرى كەستەگە ساي ەلىمىزدىڭ قالالارىن ارالاپ، تۇرعىندارمەن، مۇددەلى تاراپتارمەن كەزدەسۋ وتكىزىپ ءجۇر. جۇزدەسۋلەر بارىسىندا حالىقتى تولعاندىرعان اتوم ستانساسىنا قاتىستى ساۋالدارعا تولىققاندى جاۋاپ بەرۋدە. وسى كونسۋلتاتسيالار اياقتالعاننان كەيىن ا ە س قۇرىلىسىنا قاتىستى رەفەرەندۋم وتەتىن كۇن جاريا ەتىلۋى مۇمكىن.

«قوعاممەن جاقسى ديالوگ ءجۇرىپ جاتىر، قىزىعۋشىلىقتىڭ جوعارى ەكەنىن دە بايقاپ وتىرمىز.

مۇنى ۇستىنە حالىق تاراپىنان كاسىبي قىزىقشىلىق بار. اتالعان كونسۋلتاتسيالاردىڭ كوپتەگەن قاتىسۋشىسىنىڭ تاراپىنان اتوم ستانساسى قۇرىلىسى باستاماسىنا قولداۋدىڭ بار ەكەندىگى قۋانتادى. بۇل جۇمىستى جالعاستىرامىز. ماماندارىمىز قاراعاندى، استانا سىندى ءبىرقاتار قالادا بولىپ ۇلگەردى. مۇنان ارى كەستە دە جاريا ەتىلەدى. كونسۋلتاتسيالار قورىتىندىسىندا رەفەرەندۋم وتەتىن كۇن جاريالانىپ قالار. ازىرشە ماعان ول بەلگىسىز»، - دەدى مينيستر ب ا ق وكىلدەرىنە ارنالعان باسپا ءسوز ءماسليحاتىندا.